“Tolibon” harakati bilan koʻp tomonlama muzokaralar keyinga qoldirildi

15:52 28 Avgust 2018 Dunyo
200 0

Afgʻoniston prezidenti Ashraf Gʻani “Tolibon” harakati vakillari ishtirokidagi koʻp tomonlama muzokaralar keyinga qoldirilganini maʼlum qildi. Bu haqda Reuters Afgʻoniston rahbari matbuot xizmatiga asoslanib xabar berdi.

Maʼlumot uchun, ushbu koʻp tomonlama muzokaralar shu yil 4 sentyabr kuni Moskva shahrida oʻtkazilishi rejalashtirilgan edi. Rossiya Afgʻoniston masalasiga bagʻishlangan mazkur uchrashuvga 12 ta davlatni taklif qilgandi. Keyinchalik AQSH, Afgʻoniston rahbariyati hamda toliblar vakillari muzokaralarga kelmasligini bildirdi.

Afgʻoniston prezidenti matbuot xizmati esa Rossiya tomoni muzokaralarni kechiktirishga rozi ekanligi haqida maʼlumot bergan.

Oʻz navbatida Rossiya TIV rahbari Sergey Lavrov telefon orqali Ashraf Gʻani bilan suhbatlashgandan soʻng, uchrashuv boshqa sanaga qoldirilganligi ham tasdiqlandi. Yangi sana diplomatik kanallar orqali kelishiladi, deb xabar berdi RIA Novosti.


Izohlar

Hozircha hech kim fikr bildirmagan. Balki Siz birinchilardan bo'larsiz?