Talabalar uchun toʻlov-kontrakt miqdorining birinchi yarmini toʻlash muddati uzaytirildi

13:25 08 Oktyabr 2018 Jamiyat
599 0

Oʻzbekiston Respublikasi taʼlim muassasalariga oʻqishga qabul qilish boʻyicha Davlat komissiyasining 2018 yil 5 oktyabrdagi 11-sonli bayoni bilan respublika oliy taʼlim muassasalarining bakalavriati va magistraturasiga 2018/2019 oʻquv yilida toʻlov-kontrakt asosida talabalikka tavsiya etilgan abituriyentlar uchun bazaviy kontrakt miqdorining birinchi yarmini toʻlash muddati 2018 yilning 31 oktyabriga qadar (shu kuni ham) uzaytirildi.

Bu haqda Oliy va oʻrta maxsus taʼlim vazirligi axborot xizmati xabar bermoqda. Shuningdek, Oliy va oʻrta maxsus taʼlim vazirligining 2018/2019 oʻquv yilida oliy taʼlim muassasalarida toʻlov-kontrakt asosida bakalavriat va magistraturada tahsil olayotgan ikkinchi va undan yuqori kurs talabalari uchun esa toʻlov-kontrakt miqdorining birinchi yarmini toʻlash muddatini joriy yilning 15 noyabriga qadar uzaytirish toʻgʻrisidagi taklifiga rozilik berilgan.


Izohlar

Hozircha hech kim fikr bildirmagan. Balki Siz birinchilardan bo'larsiz?