Prezident hamisha Xalq bilan birga!

16:53 28 Fevral 2019 Siyosat
734 0

Namangan viloyatiga tashrif chogʻida Prezident korteji kutilmaganda Toʻraqoʻrgʻon tumani dehqon bozori yonida toʻxtadi. Davlatimiz rahbari xalq ichiga kirib borib, odamlar bilan samimiy muloqot qildi. Bu haqda Prezident Matbuot xizmati xabar berdi.

Shavkat Mirziyoyev mamlakatimiz iqtisodiyotini barqaror qilish, aholi turmush darajasini oshirish yoʻlidagi islohotlar xalq bilan bamaslahat davom ettirilishini taʼkidladi. Jumladan, Namangan viloyatining har bir tumaniga katta miqdorda investitsiyalar kiritish, yangi korxonalar, sanatoriylar, maktablar qurish, ishchi joylar yaratish boʻyicha ulkan loyihalar boshlanganini aytib oʻtdi.

Odamlar Prezidentimiz tashrifidan benihoya xursand boʻlib, islohotlar natijalari har bir sohada sezilayotganini bildirdi. Namangan viloyati, umuman, mamlakatimiz hayotida roʻy berayotgan oʻzgarishlar uchun davlatimiz rahbariga minnatdorlik izhor etdi.

Taʼkidlash kerakki, xalq bilan muloqot qilish, hamisha xalq bilan birga boʻlish Shavkat Mirziyoyev faoliyatining asosiy mezonidir. Prezidentimiz har bir hududga, jumladan, 2017 yilda Toʻraqoʻrgʻon tumaniga tashrifi chogʻida ham odamlar bilan muloqot qilgan.


Izohlar

Hozircha hech kim fikr bildirmagan. Balki Siz birinchilardan bo'larsiz?