Sankt-Peterburgda “Oʻzbek tilining izohli lugʻati” taqdimoti oʻtkazildi

16:22 19 Sentyabr 2020 Dunyo
223 0

Oʻzbekiston Respublikasining Sankt-Peterburgdagi Bosh konsulxonasi tomonidan Rossiya Federatsiyasi Fanlar Akademiyasi Sharq qoʻlyozmalar institutida Oʻzbekiston Fanlar akademiyasining bir guruh olimlari tomonidan yaratilgan besh jildlik “Oʻzbek tilining izohli lugʻati” kitobi taqdimoti oʻtkazildi. Bu haqda “Dunyo” AA xabar berdi.

Tadbirda institut direktori Irina Popova, bir guruh tilshunos olimlar va yosh tadqiqotchilar ishtirok etdi.

Taqdimotda “Oʻzbek tilining izohli lugʻati”ni yaratish boʻyicha olib borilgan izlanishlar, oʻzbek tilining xalqaro maydonda tutgan oʻrni va mohiyatini yuksaltirishda lugʻatning tutgan oʻrni haqida maʼlumot berildi.

Tadbir doirasida Bosh konsulxona tomonidan institutga “Oʻzbek tilining izohli lugʻati” taqdim etildi.

I.Popova “Oʻzbek tilining izohli lugʻati” nusxalari uchun minnatdorlik bildirib, ushbu nashr dunyodagi eng boy tillardan biri boʻlgan oʻzbek tili soʻzlari maʼnolarini yana-da teranroq anglashga yordam berishini taʼkidladi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?