SamDUda masofaviy o‘qitish tizimi yo‘lga qo‘yiladi

18:08 25 Iyul 2018 Jamiyat
228 0
Foto: samdu.uz

Samarqand davlat universiteti faoliyatini yanada takomillashtirish chora-tadbirlari to‘g‘risidagi Hukumat qarori qabul qilindi. Bu haqda “Huquqiy axborot” kanali xabar berdi.

Qaror bilan 2018-2021 yillarda Samarqand davlat universiteti faoliyatini yanada takomillashtirish bo‘yicha kompleks chora-tadbirlar dasturi tasdiqlandi.

Dasturda, xususan Universitetda masofaviy o‘qitish tizimini yo‘lga qo‘yish nazarda tutilgan.

2018/2019 o‘quv yilidan boshlab Samarqand davlat universiteti kadrlar buyurtmachilarining talablaridan kelib chiqqan holda, bakalavriat ta’lim yo‘nalishlari o‘quv rejalarining umumkasbiy fanlari blokidagi mavjud fanlar hajmini qisqartirish hisobiga ixtisoslik fanlari blokida mavjud fanlar hajmini 30 foizgacha oshirib, o‘quv rejalari va fan dasturlarini ishlab chiqadi hamda amaliyotga joriy etadi.


Izohlar

Hozircha hech kim fikr bildirmagan. Balki Siz birinchilardan bo'larsiz?