Rossiyadan Oʻzbekistonga pul oʻtkazmalari hajmi oshdi

16:21 17 Iyun 2019 Iqtisodiyot
199 0

Illyustrativ foto

Joriy yilning birinchi choragida Rossiyadan Oʻzbekistonga jismoniy shaxslar tomonidan 818 million AQSH dollari(shundan 340 millioni Rossiya fuqarolari tomonidan) joʻnatilgan. Oʻtgan yilning ushbu davrida mazkur koʻrsatkich 726 mln. dollar edi.

Rossiya Markaziy banki maʼlumotiga koʻra, Oʻzbekiston MDH davlatlari ichida Rossiyadan pul joʻnatmalari boʻyicha yetakchiligini mustahkamlagan.

Masalan, RFdan Tojikistonga 2019-yilning birinchi choragida 462 million dollar (oʻtgan yilning mos davrida 487 million) yuborilgan. Bu ikkinchi koʻrsatkichdir.

Armanistonga esa, aksincha, pul joʻnatmalari kamaygan. 2018-yilning dastlabki uch oyida 209 million oʻrniga bu safar 194 million dollar pul oʻtkazilgan.

Oʻzbekistondan Rossiyaga pul oʻtkazish esa oʻtayotgan yilda sezilarli ravishda kamayib, 75 million dollarni tashkil etgan. Vaholonki, oʻtgan yilning mos davrida bu koʻrsatkich 103 million dollarga yetgan edi.

Umuman olganda, jismoniy shaxslar 2018-yil yakuni boʻyicha RFdan Oʻzbekistonga qariyb 4 mlrd. dollar mablagʻ oʻtkazgan.


Izohlar

Hozircha hech kim fikr bildirmagan. Balki Siz birinchilardan bo'larsiz?