Ravon yana Rossiyaga qaytdi. Narxlar qanday?

10:51 22 Avgust 2019 Iqtisodiyot
213 0

Ravon rusumidagi avtomobillarni Rossiyaga yetkazib beruvchi rasmiy distribyuter – “UzAuto Motors SNG” ushbu mamlakatga UzAuto Motors(sobiq GM Uzbekistan) mahsulotlarini yetkazib berish yangilanganini maʼlum qildi.

Hozirda Rossiya bozorida uchta model - Ravon R4, Ravon R2 va Ravon Nexia R3ʼni xarid qilish mumkin.

Eslatib oʻtamiz, 2018-yil may oyida narx siyosati qayta koʻrib chiqilishi munosabati bilan RFga Ravon yetkazib berish toʻxtatilgan edi. Bu utilizatsion yigʻish stavkalari oshirilishi, shuningdek, yangi modellar ishlab chiqarish uchun korxonaning ishlab chiqarish quvvatlarini keng modernizatsiyalash tadbirlari bilan izohlangan edi.

Bugungi kunda Ravon Rossiya bozoridagi eng qulay va arzon yengil avtomobillar segmentida yetakchi boʻlishni oʻz oldiga maqsad qilib qoʻygan.

Modellarning narxlari:

– Ravon R2 646 000 rubldan (9,7 ming dollar);

– Ravon R3 Nexia – 670 000 rubldan (10,1 ming dollar);

– Ravon R4 –678 000 rubldan (10,2 ming dollar).


Izohlar

Hozircha hech kim fikr bildirmagan. Balki Siz birinchilardan bo'larsiz?