Rashid Malikov filmi nufuzli tanlovda bosh sovrinni qoʻlga kiritdi

11:30 10 Sentyabr 2018 Madaniyat
784 0

“Oʻzbekkino” milliy agentligi buyurtmasiga asosan rejissyor Rashid Malikov tomonidan suratga olingan “Sabot” badiiy filmi Rossiyada oʻtgan “Volokolamsk chegarasi” (“Volokolamskiy rubej”) XV xalqaro harbiy-vatanparvarlik filmlari kinofestivalida bosh sovringa munosib topildi.

Bu haqda “Oʻzbekkino“ milliy agentligi xabar bermoqda. Mazkur kartina bir qator xorijiy festivallarga taqdim etilgan boʻlib, shu yilning aprel oyida 40-Moskva xalqaro kinofestivalida ham muvaffaqiyat qozongan edi.

2017 yilning dekabr oyida Toshkentda ushbu filmning premyerasi boʻlib oʻtganidan kino muxlislari yaxshi xabardor. Filmda sobiq baynalmilal jangchining xotiralari, oʻy-xayollari, kechinmalari haqida hikoya qilinadi. Insonning qatʼiyati, metin irodasi haqida hikoya qiluvchi ushbu kartina xalqaro kinofestival hakamlari hayʼati, tomoshabinlarni befarq qoldirmadi.

Kartinaning ssenariy muallifi va postanovkachi rejissyori Rashid Malikov. Sahnalashtiruvchi operator Bahodir Yoʻldoshev. Sahnalashtiruvchi rassom Doniyor Abdurahmonov. Filmda bosh rollarni Karim Mirhodiyev, Nigora Karimboyeva, Saydulla Moʻldaxonov, Bekzod Hamroyev, Zulxumor Moʻminova kabi taniqli aktyorlar ijro etgan.


Izohlar

Hozircha hech kim fikr bildirmagan. Balki Siz birinchilardan bo'larsiz?


Ko‘p o‘qilganlar

Afisha

“Hayot” filmi endi teleekranlarda. U bayram kunlari MTRK telekanallari orqali efirga uzatiladi

Osmonga koʻtarilayotgan harbiy vertolyotlar, qiruvchi samolyotlardan olingan tasvirlar, jang maydonidagi qonli muhoraba, oh-vohlar, baqir-chaqirlar... Askar snayperlik vintovkasining durbini orqali dushmanning peshonasini moʻljallamoqda. U aynan qayerga oʻq uzmoqchi ekanini ziyrak boʻlmagan tomoshabin ham darrov ilgʻashi tayin: durbinning moʻljal belgisi ekranda koʻz oʻngingizda turadi.

12 Yanvar 2019