Qozogʻistonda uch nafar oʻzbekistonlik YTH oqibatida hayotdan koʻz yumdi

13:57 09 Sentyabr 2019 Jamiyat
147 0

Illyustrativ foto

Oʻzbekistonning Olmaota shahridagi Bosh konsulxonasi bergan maʼlumotga koʻra 2019-yil 8-sentabr Qozogʻistonning Turkiston viloyati hududida Chimkent-Samara avtotrassasida yoʻl-transport hodisasi roʻy berdi. Unda 4 odam jabrlandi. 2 nafar ayol M.U. va M.M. voqea joyida, Z.S. esa kasalxonada vafot etdi. Davlat raqami 40R988QA boʻlgan Nexia avtomashinasi haydovchisi M.U. Oʻrdabasi tumani tez yordam shifoxonasining reanimatsiya boʻlimiga joylashtirilgan.

YTH boʻyicha jinoiy ish ochilib, tergov olib borilmoqda. Bu haqda TIV xabar berdi.

Bosh konsulxona vaziyatni nazoratga olgan, huquqni muhofaza qiluvchi organlar va tibbiyot muassasa bilan tezkor aloqa oʻrnatgan hamda marhumlarning jasadlarini vatanga yuborish boʻyicha konsullik-huquqiy va tashkiliy masalalar bilan shugʻullanmoqda.

“Konsullik-huquqiy departamenti marhumlarning oila aʼzolari vayaqinlariga taʼziya bildiradi hamda Qozogʻistonning Olmaota va Chimkent shaharlari, Olmaota, Sharqiy Qozogʻiston, Turkiston, Jambil va Qiziloʻrda viloyatlari hududida boʻlib turgan Oʻzbekiston fuqarolari zarur hollarda mamlakatimizning Olmaota shahridagi Bosh konsulxonasiga quyidagi telefon raqamlari orqali murojaat qilishlari mumkinligini eslatadi: +7-727-299-20-70, +7-727-390-26-16”, - deyiladi xabarda.


Izohlar

Hozircha hech kim fikr bildirmagan. Balki Siz birinchilardan bo'larsiz?