Qozogʻistonda “Oʻzbekiston madaniyati kunlari” oʻtkaziladi

14:35 10 Dekabr 2018 Madaniyat
415 0

2018 yil Qozogʻiston Respublikasida “Oʻzbekiston yili” deb eʼlon qilingan. Yil davomida Qozogʻistonda siyosiy, iqtisodiy, madaniy-maʼrifiy, gumanitar va boshqa yoʻnalishlar boʻyicha koʻplab tadbirlar, forumlar, anjumanlar tashkil etildi.

Madaniyat vazirligi xabariga koʻra, 2018 yil 12 dekabr kuni Qozogʻiston Respublikasi Ostona shahrida “Oʻzbekiston madaniyati kunlari” oʻtkaziladi. Oʻzbekiston Respublikasidan 70 kishilik oʻzbek estrada yulduzlari, sozanda va raqqosalardan iborat delegatsiya ushbu tadbirda ishtirok etish maqsadida joʻnab ketmoqda.

Mazkur tadbirning oʻtkazilishi Oʻzbekiston Respublikasi Vazirlar Mahkamasining 2018 yil 10 martdagi 12/1-2331-son bilan tasdiqlangan “2018 yil Qozogʻistonda Oʻzbekiston yilini oʻtkazish boʻyicha amaliy chora-tadbirlar rejasi”da koʻzda tutilgan.


Izohlar

Hozircha hech kim fikr bildirmagan. Balki Siz birinchilardan bo'larsiz?