Fargʻona viloyati davlat soliq boshqarmasi tomonidan Qoʻqon shahrida ham davom ettirildi. Kelib tushgan murojaat asosida hamkor tashkilotlar bilan birgalikda Koʻrpabof koʻchasida yashovchi 28 yoshli H.A. xonadoni koʻzdan kechirilganda, u yerda spirt mahsuloti noqonuniy savdosi yoʻlga qoʻyilganligi aniqlandi. Bu haqda Fargʻona viloyati davlat soliq boshqarmasi matbuot xizmati xabar berdi.

2010-yillar boshida tadbirkor sifatida spirtli ichimliklar savdosi bilan shugʻullangan H.A. yashab turgan uyining ayvon qismida kichik bir omborxona tashkil qilgan boʻlib, u yerda 763 litr 96 gradusli spirt mahsulotini sotish maqsadida qonunga zid ravishda saqlayotganligi maʼlum boʻldi. “Uddaburon”ning aytishicha, 96 gradusli spirt mahsulotining 1 litri 14 ming soʻmda xarid qilingan hamda 16,5 ming soʻmdan sotish rejalashtirilgan.

Mazkur holat yuzasidan davlat soliq xizmati organi xodimlari tomonidan fuqaro bilan profilaktik suhbat olib borildi hamda qonuniy ishlayotgan tadbirkorga berilayotgan imkoniyatlar batafsil tushuntirildi.

Shu bilan birga, qoidabuzarlik yuzasidan belgilangan tartibda dalolatnoma rasmiylashtirildi va umumiy qiymati 12 million soʻmdan ortiq boʻlgan tovar-moddiy boyliklar daliliy ashyo sifatida olindi.