Andijonda prokuratura xodimlariga Nexia 3 avtomobillari topshirildi

14:36 13 Iyul 2018 Jamiyat
438 0
Illyustrativ foto

Shu yilning 7 may kuni O‘zbekiston Respublikasi Prezidentining “O‘zbekiston Respublikasi Bosh prokuraturasi huzuridagi agrosanoat majmui va oziq-ovqat xavfsizligi ta’minlanishi ustidan nazorat qilish inspeksiyasi faoliyatini tashkil etish chora-tadbirlari to‘g‘risida”gi qarori e’lon qilingan edi.

Qishloq xo‘jaligi, oziq-ovqat xavfsizligi va suv iste’moli sohasida nazorat tizimini tubdan takomillashtirishga qaratilgan ushbu qaror ijrosini ta’minlash yuzasidan joylarda inspeksiyalar tashkil etilib, ularga ma’muriy binolar ajratildi va malakali xodimlar biriktirildi.

— Soha xodimlariga bo‘lgan bu kabi e’tibor zamirida juda katta mas’uliyat hissi mujassam. Zimmamizga yuklatilgan vazifani sidqidillik bilan ado etib, yurt taraqqiyotiga hissa qo‘shamiz, -deydi inspeksiyaning Jalaquduq tumani bo‘limi boshlig‘i Dilshodbek Mirzayev “Xalq so‘zi” muxbiri Saminjon Husanov bilan suhbatda.

Andijon viloyat prokuraturasida bo‘lib o‘tgan navbatdagi tadbirda esa mas’ul rahbarlarga “Ravon 3” (Nexia 3) xizmat avtomashinalari topshirildi.


Izohlar

Hozircha hech kim fikr bildirmagan. Balki Siz birinchilardan bo'larsiz?