Prezidentning yangi qarori: Psixiatriya yordami ko‘rsatish tizimi tubdan takomillashtiriladi

18:48 16 Mart 2018 Hujjatlar
1011 0

Prezidentimizning psixiatriya xizmati muassasalarining faoliyati samaradorligini oshirishga qaratilgan “Psixiatriya yordami ko‘rsatish tizimini tubdan takomillashtirish chora-tadbirlari to‘g‘risida”gi qarori qabul qilindi. 

Hujjatda sohada xususiy tibbiyotni rivojlantirish masalasiga ham e’tibor qaratilgan. 

2018 yil 1 maydan boshlab xususiy tibbiyot tashkilotlariga ruhiy holat buzilishini va xulq-atvor buzilishini tashxis qilish va davolash bo‘yicha aholiga ayrim xizmatlar ko‘rsatishga ruxsat etiladi. 

O‘zbekiston Respublikasi Sog‘liqni saqlash vazirligi O‘zbekiston xususiy amaliyot vrachlari uyushmasi bilan birgalikda ruhiy holati buzilishini va xulq-atvor buzilishini tashxis qilish va davolash uchun xususiy tibbiyot tashkilotlari tomonidan ko‘rsatiladigan xizmatlar ro‘yxati tasdiqlanadi. 

O‘zbekiston Respublikasi psixiatriya xizmati muassasalarining ayrim funksiyalarini sog‘liqni saqlashning xususiy sektoriga o‘tkazish aholiga psixiatriya yordami ko‘rsatish sohasida davlat-xususiy sherikchilikni rivojlantiradi. Ko‘rsatilayotgan xizmatlar sifatini yaxshilash uchun sohaga investitsiyalar jalb qilinadi.


Izohlar

Hozircha hech kim fikr bildirmagan. Balki Siz birinchilardan bo'larsiz?