Innovatsion rivojlanish vazirligi huzuridagi Jamoatchilik kengashi majlisi oʻtkazildi. Tadbirda Jamoatchilik kengashi aʼzolari va vazirlikning masʼul xodimlari ishtirok etdilar.

Unda davlatimiz rahbarining asarlari va maʼruzalaridan olingan fikrlar asosida nashr qilingan “Milliy tiklanishdan milliy yuksalish sari” kitobining taqdimoti boʻlib oʻtdi.

Kitob 30 boʻlimdan iborat boʻlib, unda huquq, tadbirkorlik, iqtisodiyot, ijtimoiy himoya, adabiyot, madaniyat va sanʼat, xotin-qizlar masalalari, taʼlim va tarbiya, diniy maʼrifat, kitobxonlik, yoshlar tarbiyasi, vatanparvarlik, ekologiya kabi koʻplab ijtimoiy, siyosiy ahamiyatga ega boʻlgan mavzular ochib berilgan.

Oʻz navbatida nashr ixchamligi bilan ham ajralib turadi. Uni har kuni yonda olib yurish, safarlarga chiqqanda mutolaa qilish uchun qulay. Axborot oqimi kundan kunga koʻpayib ketayotgan davrimizda bu kitobning tizimlashtirilgan kontenti aholining keng qatlamlarida qiziqish uygʻotishi, shubhasiz.