Prezident Navoiy viloyatiga joʻnab ketdi

10:15 12 Mart 2019 Siyosat
462 0

Oʻzbekiston Respublikasi Prezidenti Shavkat Mirziyoyev hududlarning ijtimoiy-iqtisodiy rivoji, avvalgi vazifalar ijrosi bilan tanishish, yangi istiqbolli loyihalarni belgilash maqsadida 12 mart kuni Navoiy viloyatiga joʻnab ketdi. Bu haqda Prezident matbuot xizmati xabar berdi.

Davlatimiz rahbari barcha hududlar kabi Navoiy viloyatiga ham bir necha bor tashrif buyurib, iqtisodiyot tarmoqlarini kengaytirish, aholi farovonligini oshirishga doimiy eʼtibor qaratib kelmoqda. 2017 va 2018 yillardagi tashriflar chogʻida belgilangan chora-tadbirlar natijasida viloyatda juda koʻp ishlar amalga oshirildi.

Bu safar Nurota va Karmana tumanlari, Navoiy shahridagi yangi korxonalar, ijtimoiy obyektlar, energetika, kimyo va baliqchilik majmualari bilan tanishish rejalashtirilgan.


Izohlar

Hozircha hech kim fikr bildirmagan. Balki Siz birinchilardan bo'larsiz?