Parlament qonunchilik muammolarini tadqiq etishda Germaniya bilan hamkorlik qiladi

18:34 31 Iyul 2018 Jamiyat
215 0
Arxiv foto

Oliy Majlis Qonunchilik palatasi huzuridagi Qonunchilik muammolari va parlament tadqiqotlari institutining xalqaro hamkorlari soni yana bittaga ko‘paydi. Germaniyaning Fridrix Ebert nomidagi jamg‘armaning O‘zbekistondagi vakolatxonasi hamda institut o‘rtasida hamkorlik to‘g‘risidagi memorandum imzolandi.

Memorandumga ko‘ra, parlamentarizm va qonunchilik muammolarini analitik tadqiq etishga ko‘maklashish, O‘zbekiston va Germaniyaning yetakchi olim va jamoat arboblari ishtirokida simpoziumlar o‘tkazish nazarda tutilmoqda. Bundan tashqari, institut olimlari Germaniyaning yetakchi ilmiy tadqiqot markazlarida malaka oshirish imkoniga ega bo‘ladilar.

Ma’lumot uchun, F. Ebert nomidagi jamg‘arma 1928 yilda asos solingan nodavlat notijorat tashkiloti bo‘lib, yurtimizda 1997 yildan buyon faoliyat olib boradi. Jamg‘armaning asosiy maqsadi – davlat va jamoat tashkilotlariga ekspert-tahliliy yordam ko‘rsatish, xalqaro ekspertlarni jalb etgan holda tadbirlar tashkil etishdan iborat.

Qayd etish lozimki, bugungi kunga qadar Qonunchilik muammolari va parlament tadqiqotlari instituti Koreya, Turkiya, Qirg‘iziston parlamentlari qoshidagi ilmiy-tadqiqot markazlari hamda YEXHT, K. Adenauer nomidagi jamg‘arma bilan yaqindan hamkorlikni yo‘lga qo‘ygan.


Izohlar

Hozircha hech kim fikr bildirmagan. Balki Siz birinchilardan bo'larsiz?