“O‘zbekkonsert” Ziyodaga unvoniga mos qo‘shiqlar kuylashini uqtirdi

17:58 30 Iyul 2018 Madaniyat
595 0

“O‘zbekkonsert” davlat muassasasi qoshidagi qo‘shiqlar va ularga ishlangan video kliplar saviyasini baholash Badiiy Kengashining navbatdagi yig‘ilishi bo‘lib o‘tdi. Bu haqda “O‘zbekkonsert” DM matbuot xizmati “Xalq so‘zi online”ga ma’lum qildi.

Foto: instagram

O‘zbekistonda xizmat ko‘rsatgan artist Ziyoda Qobulovaning “Mazza-mazza” qo‘shig‘iga ishlangan videoklipdagi kadrlar ma’naviyatimizga zid xatti-harakatlarning mavjudligi, shuningdek, qo‘shiq matni mazmunan sayozligi va badiiy jihatdan jo‘nligi bois bir ovozdan rad etildi.
Mazkur qo‘shiqning matnida shunday jumlalar bor:
Yuragimda halovat yo‘q,
Ketganingdan nari beri beri man.
Qoyil senga gap yo‘q,
Azob chekmay ham yuraverasan.
Mendan yo xafamisan,
Nega qo‘ng‘iroq qilmaysan?
Sevaman, deb aldayabsan,
Sevishim bilib bilib bilib.
Sendan men ham xafaman,
Kelaman, deb kelmayabsan.
Gapingga ishonmayman man,
Yurardim sezib sezib sezib.
Mazza-mazza mazzadeyeeye,
Mazza-mazza mazzadeyeeye.
O‘ylamay yuraverasande,
Mazza-mazza mazzadeyeeye.
Badiiy Kengash a’zolari Ziyoda Qobulovaga (O‘zbekistonda xizmat ko‘rsatgan artist) unvoniga mos ravishda qo‘shiqlar kuylashini, professional shoirlar bilan ishlashini, klip olish jarayonida milliy mentalitetimizga xos kadrlar olishiga, uning ijodiga bo‘lgan mas’uliyatini yanada oshirishi lozimligini ta’kidlashdi.


 


Izohlar

Hozircha hech kim fikr bildirmagan. Balki Siz birinchilardan bo'larsiz?