Qarorga muvofiq, tashkiliy-huquqiy shaklidan qatʼiy nazar tadbirkorlik subyektlari tomonidan olib kiriladigan quyidagi turdagi tovarlar 2020 yilning 1 yanvariga qadar bojxona toʻlovlaridan (bojxona rasmiylashtiruvi yigʻimlaridan tashqari) ozod etildi:

• tuyaqushlar;
• birlamchi shakldagi etilen polimerlari.

Shuningdek, qaror bilan Oʻzbekiston Respublikasi Prezidentining 2017 yil 18 yanvardagi qaroriga oʻzgartirishlar kiritildi. Bu haqda “Huquqiy axborot” kanali xabar bermoqda.

Oʻzgartirishlarga koʻra, Qoraqalpogʻiston Respublikasining Moʻynoq, Shumanay, Qonlikoʻl, Taxtakoʻpir, Chimboy va Kegeyli tumanlarida joylashgan tadbirkorlik subyektlari Oʻzbekiston Respublikasida ishlab chiqarilmaydigan, belgilangan tartibda shakillantiriladigan roʻyxatlar boʻyicha olib kiriladigan va faqatgina ushbu tumanlarda foydalaniladigan maxsus texnika, asbob-uskuna, butlovchi buyumlar, ehtiyot qismlar, qurilish materiallari, metall konstruksiyalar uchun 2020 yil 1 yanvariga qadar bojxona toʻlovlari (bojxona rasmiylashituruvchi yigʻimlaridan tashqari) toʻlashdan ozod etildi.