Illyustrativ foto

Davlat statistika qoʻmitasi tomonidan yuridik shaxs maqomiga ega boʻlgan korxona va tashkilotlarda ishlovchi xodimlarning 2019-yil birinchi yarmidagi oʻrtacha oylik nominal ish haqlari qancha boʻlganini eʼlon qildi. Unga koʻra, 2019-yil yanvar-iyun oylarida mazkur miqdor

2092,6 ming soʻm(ish haqiga ustama, mukofot, ragʻbatlantirish

xususiyatiga ega toʻlovlar, kompensatsiya va ishlanmagan vaqt uchun

haq kabi toʻlovlar kiritilgan, shuningdek uning tarkibida jismoniy shaxslar

daromad soligʻi va kasaba uyushmasiga toʻlovlar ham mavjud) tashkil

etgan. Bu 2018-yilning mos davriga nisbatan 30,1 foizga oʻsish deganidir.

Bu borada bank, sugʻurta, lizing hamda kredit va vositachilik faoliyati maoshlari boshqa sohalardan keskin farq qilgani eʼtiborga loyiq. Ularning oʻrtacha oylik nominal hisoblangan ish haqi 4 045 800 soʻmni tashkil etgan. Ikkinchi oʻrindan axborot va aloqa tarmoqlari mutaxassislari(3 774 400 soʻm), uchinchi oʻrindan esa sanoatchilar (2 976 200 soʻm) joy olgan.

Eslatib oʻtamiz, oʻrtacha oylik nominal hisoblangan ish haqi - bu haqiqiy maosh emas. U bir qator omillar asosida hisoblanadi: hududda roʻyxatdan oʻtkazilgan tashkilotlar soni, ish haqi jamgʻarmasi, ishchi-xodimlar soni. Bu yerda qishloq xoʻjaligi va kichik tadbirkorlik hisobga olinmaydi.