Oʻzbekistonda dollarning rasmiy kursi yil boshidan buyon ilk marta arzonlashdi

15:51 11 Fevral 2019 Iqtisodiyot
434 0

Illyustrativ foto

Oʻzbekiston Respublikasi Markaziy banki 2018 yil 12 fevraldan boshlab valyuta operatsiyalari boʻyicha buxgalteriya hisobi, statistik va boshqa hisobotlarni yuritish, shuningdek, bojxona va boshqa majburiy toʻlovlari uchun xorijiy valyutalarning soʻmga nisbatan quyidagi qiymatini belgiladi.

Unga koʻra, 1 AQSH dollari oʻtgan haftadagi kursga nisbatan 6 soʻm 38 tiyinga arzonlashib, 8395 soʻm 15 tiyinga yetgan.

Yevro kursi esa 113 soʻm 8 tiyinga arzonlashib, 9510 soʻm 3 tiyinni tashkil etmoqda.

Bir Rossiya rubli esa 68 tiyinga arzonlashib, 127 soʻm 67 tiyinga yetgan. 1 Buyuk Britaniya funt sterlingi 122 soʻm 52 tiyinga qimmatlashib, 10 869 soʻm, 20 tiyinni tashkil qilmoqda.

Eslatib oʻtamiz, dollar kursi soʻnggi marta 11 dekabr kuni 2 soʻm, 21 tiyinga arzonlashgandi.

Maʼlumot uchun, valyuta qiymatini belgilash chogʻida Oʻzbekiston Respublikasi Markaziy banki mazkur valyutalarni ushbu qiymatda sotish yoki sotib olish majburiyatini olmagan.


Izohlar

Hozircha hech kim fikr bildirmagan. Balki Siz birinchilardan bo'larsiz?