Oʻzbekistonda 81 ta turli xildagi Respublika komissiyalari, idoralararo kengashlar tugatildi

10:08 30 Avgust 2018 Jamiyat
450 0

Davlatimiz rahbarining “Idoralararo kollegial organlarni tubdan qisqartirish va yanada optimallashtirish choralari toʻgʻrisida”gi Farmoni qabul qilindi, deb xabar qildi “Huquqiy axborot” kanali.

Farmonda qayd etilishicha, idoralararo kollegial organlarni tashkil etish va tarqatishning aniq tartibi mavjud emasligi oqibatida juda koʻplab ushbu turdagi organlar paydo boʻlgan. Bu esa oʻz navbatida davlat boshqaruvining byurokratiyalashuviga, maʼmuriy tuzilmalarning kengayib ketishiga, byudjet xarajatlarining oshishiga olib kelgan.

Farmonga muvofiq jami 81 ta turli idoralaro komissiyalar, ishchi guruhlar tugatilib, ularning vazifalari tegishli vazirlik va idoralarga oʻtkazildi.

Masalan, Kadrlar tayyorlash boʻyicha milliy dasturni amalga oshirish Respublika komissiyasi tugatilib, uning vazifalari Oliy va oʻrta-maxsus taʼlim vazirligiga oʻtkazildi.

Xuddi shunday Huquqiy targʻibot va maʼrifat boʻyicha davlat organlari ishlarini muvofiqlashtirish boʻyicha Idoralararo kengash ham tugatildi, unga yuklatilgan vazifalarini endi Adliya vazirligi amalga oshiradi.

Bundan tashqari 25 ta turli xil idoralararo komissiyalar ishi qayta koʻrib chiqilib, optimallashtiriladi.

Endilikda Respublika darajasidagi idoralararo organlarni tashkil etish qonunlar, Prezident va Vazirlar Mahkamasining hujjatlari asosida amalga oshiriladi. Ushbu organlar davlat idoralariga yuklangan vazifalarni bajarishda yordam beruvchi maslahat organi vazifasini bajaradi.


Izohlar

Hozircha hech kim fikr bildirmagan. Balki Siz birinchilardan bo'larsiz?


Ko‘p o‘qilganlar

Afisha

“Hayot” filmi endi teleekranlarda. U bayram kunlari MTRK telekanallari orqali efirga uzatiladi

Osmonga koʻtarilayotgan harbiy vertolyotlar, qiruvchi samolyotlardan olingan tasvirlar, jang maydonidagi qonli muhoraba, oh-vohlar, baqir-chaqirlar... Askar snayperlik vintovkasining durbini orqali dushmanning peshonasini moʻljallamoqda. U aynan qayerga oʻq uzmoqchi ekanini ziyrak boʻlmagan tomoshabin ham darrov ilgʻashi tayin: durbinning moʻljal belgisi ekranda koʻz oʻngingizda turadi.

12 Yanvar 2019