Oʻzbekiston yolgʻiz sayohat qilish uchun eng xavfsiz boʻlgan davlatlar top-beshligiga kirdi

10:37 24 Yanvar 2019 Welcome to uzbekistan
593 0

Arxiv foto

Sayohatlar uchun moʻljallangan Wegoplace onlayn xizmati Solo Travel Safety Report 2019 hisobotini eʼlon qildi. Hisobotda qaysi davlatlar 2019 yilda sayyohlar yolgʻiz sayohat qilishi uchun eng xavfsiz ekanligi aytib oʻtilgan.

Mutaxassislar 142 ta mamlakat aholisi orasida soʻrov oʻtkazgan va ular tunda shahar boʻylab yolgʻiz sayr qilganda oʻzini qanchalik xavfsiz his qilishini aniqlagan. Shuningdek, ularning mahalliy politsiyaga ishonchi, ularning hujumlar yoki talonchiliklarga uchraganiga ham oydinlik kiritilgan.

Eng yuqori xavfsizlik indeksini Singapur qayd etgan. Undan keyingi qatorlardan Norvegiya, Islandiya va Finlyandiya joy olgan. Beshinchi oʻrinni Oʻzbekiston egallagan. Shuningdek, birinchi oʻntalikdan Gonkong, Shveysariya, Kanada, Indoneziya va Daniya oʻrin egallagan.

Shu bilan birga, ekspertlar yolgʻiz sayohat qiluvchilar uchun eng xavfli davlatlar roʻyxatini ham tuzgan. Ularning ichida dastlabki qatorlarni Venesuela, Afgʻoniston va Janubiy Sudan egallagan.


Izohlar

Hozircha hech kim fikr bildirmagan. Balki Siz birinchilardan bo'larsiz?