O‘zbekiston DXX rahbari Tojikistonga tashrif buyurdi

13:04 12 Iyun 2018 Siyosat
1455 0

O‘zbekiston davlat xavfsizlik xizmati raisi Ixtiyor Abdullayev bugun, 12 iyun kuni ishchi tashrif bilan Dushanbega bordi. Bu haqda Tojikiston milliy xavfsizlik davlat qo‘mitasi jamoatchilik bilan aloqalar xizmati xabar bermoqda.

Manba bergan xabarda qayd qilinishicha, Ixtiyor Abdullayevni poytaxt aeroportida Tojikiston milliy xavfsizlik davlat qo‘mitasi raisi Saymo‘min Yatimov kutib olgan.

Uchrashuv davomida ikki davlat maxsus xizmatlari rahbarlari terrorizmga qarshi kurash, davlat chegaralarini muhofaza qilish, o‘zaro axborot almashish masalalarini muhokama qiladilar.

Shuningdek, O‘zbekiston DXX rahbari Rog‘un GESi barpo etilayotgan hududga tashrif buyurishi va u yerda qurilish ishlarining borishi bilan tanishishi ham ko‘zda tutilgan.

Uchrashuv yakunida O‘zbekiston Davlat xavfsizlik xizmati va Tojikiston Milliy xavfsizlik xizmati davlat qo‘mitasi o‘rtasida hamkorlik bo‘yicha bitim imzolanishi rejalashtirilgan.


Izohlar

Hozircha hech kim fikr bildirmagan. Balki Siz birinchilardan bo'larsiz?


Ko‘p o‘qilganlar

Afisha

Matyoqub Matchonov: “Oltindek qimmatli, Humo qushi singari sarbaland...”

Xoʻsh, bu qanday anjuman oʻzi? Uni oʻtkazishdan koʻzlangan maqsad nima? Kelgusida mazkur kinotaqdimot kino olami va olam kinosi ichra oʻz oʻrnini topib keta oladimi yoki salaflari kabi yoʻqlikka yuz tutadimi (zakiy oʻquvchi nima demoqchi ekanimizni tushunganiga shubha yoʻq, albatta)?

23 Yanvar 2019