Oʻzbekiston delegatsiyasi Xalqaro madaniyat forumida qatnashadi

16:26 13 Noyabr 2019 Madaniyat
309 0

Oʻzbekiston Respublikasi Madaniyat vazirligi matbuot xizmati maʼlumotlariga koʻra, joriy yilning 14-noyabr kuni Sankt-Peterburgda VIII Xalqaro madaniyat forumi ish boshlaydi. Mazkur forum ilk marotaba 2012-yilda oʻtkazilgan boʻlib, mazkur uch kunlik marafon yetti yil ichida yilning eng yorqin hodisalaridan biriga aylanadi. Rossiya Federatsiyasi hukumati, Madaniyat vazirligi va Sankt-Peterburg hukumati tomonidan tashkil etiladigan forum 14-16-noyabr kunlari boʻlib oʻtadi.

Forumga Rossiya Federatsiyasi Prezidenti Vladimir Putin tashrif buyurishi kutilmoqda.

Shuningdek, unda Oʻzbekiston Respublikasi Madaniyat vaziri B. Sayfullayev ishtirok etadi.

Forum dasturidan davlatlarning madaniyat vazirlari uchrashuvi ham oʻrin olgan. Shuningdek, forum doirasida madaniyatning turli sohalari mutaxassislari uchun biznes-dasturlar hamda madaniy tadbirlarni oʻz ichiga olgan festival oʻtkaziladi. “Mediamakonda sanʼatning ovozi“ deb nomlangan yalpi munozarani mazkur forumning eng muhim hodisasi sifatida qayd etish mumkin. Ushbu munozarada ishtirokchilar madaniy axborotlarga ommaviy talab qanday shakllanishi va oʻzgarib borishi, ommaviy axborot vositalarida sanʼat va madaniyatni ommalashtirish, bugungi kunda qanday mediaformatlar yordamida zamonaviy shaxsning sanʼat bilan doimiy aloqada boʻlishiga erishish mumkinligini muhokama qiladi.


Izohlar

Hozircha hech kim fikr bildirmagan. Balki Siz birinchilardan bo'larsiz?