Indoneziyaning Jakarta va Palembang shaharlarida davom etayotgan Osiyo oʻyinlarining boks musobaqalarida Oʻzbekiston erkaklar terma jamoasining barcha yetti vakili yarim final yoʻllanmasini qoʻlga kiritdi.

Soʻnggi boʻlib -75 kg vzan toifasida musobaqada qatnashayotgan Isroil Madrimov chorak final jangida ishtirok etdi. Eronlik Seyedshahin Musaviyga qarshi ringga chiqqan Isroil yaqqol ustunlik (5:0, barcha hakamlar 30:27 natijasini qayd etgan) bilan gʻalaba qozonib, yarim final yoʻllanmasini qoʻlga kiritdi.

Bungacha qolgan olti vaznda ham bokschilar yarim finalga yoʻllanma olishgandi. Bu degani bokschilarimiz kamida 7ta medalni naqd qilishdi. Yarim final janglari 31 avgust kuni boʻlib oʻtadi.