Namangandagi koʻrgazmada yosh tadbirkorlarning mahsulotlari namoyish etildi 

12:41 27 Avgust 2019 Jamiyat
84 0

Namangan shahrida “Yoshlar kelajagimiz- amalda” shiori ostida yosh tadbirkorlar tomonidan ishlab chiqarilgan mahsulotlarning hududiy koʻrgazmasi tashkil etildi. Ishtirokchilarning aksariyati “Yoslar – kelajagimiz” davlat dasturi doirasida ajratilgan imtiyozli kredit yordamida oʻz biznesini yoʻlga qoʻygan boʻlib, istiqbolli loyihalarini roʻyobga chiqarish orqali isteʼmol bozorini raqobatbardosh mahsulotlar bilan toʻldirish, shuningdek, yangi ish oʻrinlari yaratishda faollik koʻrsatayotgan yigit-qizlardir.

Tadbirda viloyat shahar va tumanlarida faoliyat koʻrsatayotgan 60 nafar yosh tadbirkor, shaxsiy biznesini yoʻlga qoʻyish istagida boʻlgan yoshlar hamda mahallalardagi ishsiz yoshlar ishtirok etdi.

– Dastur ijrosi yoshlar tadbirkorligini rivojlantirish borasidagi loyihalarimizga qanot bagʻishlamoqda, – deydi “Yoshar-kelajagimiz” jamgʻarmasining viloyat koordinatori Islombek Qutbiddinov. – Masalan, birgina joriy yilning birinchi yarmida 82 nafar yoshga jamgʻarmaning 26 milliard soʻmdan ziyod imtiyozli krediti ajratildi. Buning natijasida 450 nafar tengdoshlarimizni ish bilan taʼminlash imkoniyati yuzaga keldi.

Shu kungi koʻrgazma davomida “Muvaffaqiyatga erishish sirlari” mavzusida tajribali tadbirkorlar tomonidan mahorat darslari tashkil etildi.

Tadbir soʻngida faol ishtirok etgan yosh tadbirkorlar faxriy yorliq hamda esdalik sovgʻalari bilan taqdirlandi.

Qudratilla NAJMIDDINOV. 

“Xalq soʻzi”


Izohlar

Hozircha hech kim fikr bildirmagan. Balki Siz birinchilardan bo'larsiz?