Muddatidan oldin harbiy unvon va Prezident soati:  “ArMI – 2020” gʻoliblari munosib taqdirlandi

20:24 19 Sentyabr 2020 Jamiyat
417 0

Foto: Hasan Paydoyev / "Xalq so'zi"

Bugun, 19-sentabr kuni Oʻzbekiston Respublikasi Qurolli Kuchlari akademiyasida «ArMI  2020» Xalqaro armiya oʻyinlari gʻolib va sovrindorlarini taqdirlashga bagʻishlangan tantanali tadbir boʻlib oʻtdi.

Unda Oʻzbekiston mudofaa vaziri general-mayor Baxodir Kurbanov, harbiy okruglar qoʻmondonlari, davlat va jamoat tashkiloti vakillari hamda Oʻzbekiston nufuzini xalqaro maydonlarda munosib himoya qilgan harbiy xizmatchilar ishtirok etdi.

Foto: Hasan Paydoyev / "Xalq so'zi"
Foto: Hasan Paydoyev / "Xalq so'zi"

Tadbir avvalida Oʻzbekiston mudofaa vaziri “Oʻzbekiston Respublikasi Mudofaa vazirligi harbiy xizmatchilarining ArMI – 2020 Xalqaro armiya oʻyinlaridagi ishtiroki yakunlari va gʻoliblariga qimmatbaho sovgʻalarni topshirish toʻgʻrisida” gi Prezident qarorini oʻqib eshittirib, erishilgan yutuqlar bilan barchani muborakbod etdi.

Qurolli Kuchlar akademiyasida oʻtkazilgan tadbirda mudofaa vaziri bir guruh harbiy xizmatchilarni navbatdagi harbiy unvon va qimmatbaho sovgʻalar bilan taqdirladi. Xususan, Xalqaro armiya oʻyinlarining barcha gʻolib va sovrindorlariga Oʻzbekiston Respublikasi Prezidenti nomidan qoʻl soatlari topshirildi.

Foto: Hasan Paydoyev / "Xalq so'zi"
Foto: Hasan Paydoyev / "Xalq so'zi"

Shuningdek, harbiy okruglar qoʻshinlari qoʻmondonligi vakillari va yoshlar videokonferensaloqa orqali gʻolib ishtirokchilarga tabriklar yoʻlladi.

Taqdirlash marosimi yakunida namoyish etilgan konsert dasturi barchaga bayramona kayfiyat ulashdi.

Eslatib oʻtamiz, joriy yilning 23-avgustidan 5-sentyabrigacha davom etgan “ArMI – 2020” Xalqaro armiya oʻyinlarida 30 dan ortiq davlatning 156 jamoasi qatorida Oʻzbekiston Mudofaa vazirligi harbiy xizmatchilari 16 yoʻnalishda, yaʼni, “Merganlik marrasi”, “Qurolsoz usta”, “Musaffo osmon”, “Artilleriya olovi ustasi”, “Yoʻl patruli”, “Qoʻshin razvedkasi aʼlochilari”, “Tank biatloni”, “Elburs halqasi”, “Sodiq doʻst”, “Xavfsiz marshrut”, “Dala oshxonasi”, “Harbiy ralli”, “Harbiy-tibbiy estafeta”, “Merganlar marrasi”, “Otliq marafon”, «Avtozirhli tank-texnika ustasi» musobaqalarida faol ishtirok etdi.

Foto: Hasan Paydoyev / "Xalq so'zi"
Foto: Hasan Paydoyev / "Xalq so'zi"
Foto: Hasan Paydoyev / "Xalq so'zi"
Foto: Hasan Paydoyev / "Xalq so'zi"
Foto: Hasan Paydoyev / "Xalq so'zi"

Hamyurtlarimiz 32 mamlakat harbiylari oʻrtasida jami 16 yoʻnalishda – 3 ta birinchi, 8 ta ikkinchi, 3 ta uchinchi oʻrinni egallab, umumjamoa hisobida 3-oʻrinni egalladi.

Shu bilan birga, Mudofaa vazirligi jamoalari tarkibida yurtimiz sharafini munosib himoya qilgan harbiy xizmatchilar “ArMI – 2020” Xalqaro armiya oʻyinlarida munosib ishtirok etib, qator yoʻnalishlarda rekord natijalarni qayd etdi.

Foto: Hasan Paydoyev / "Xalq so'zi"

Mudofaa vazirligi Axborot va ommaviy kommunikatsiyalar departamenti

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?