YPX xodimlarida mobil videokameradan foydalanishiga oid talab 2020-yil 1-yanvarigacha uzaytirildi

13:38 04 Iyul 2019 Jamiyat
308 0

Ichki ishlar organlari xodimlarini mobil videokuzatuv vositalari bilan taʼminlash boʻyicha qoʻshimcha chora-tadbirlar toʻgʻrisida Hukumat qarori qabul qilindi. Bu haqda “Huquqiy axborot ” kanali xabar qildi.

Qonunchilikka muvofiq, 2019-yil 1-iyuldan yoʻl-patrul xizmati xodimi xizmat vazifalarini mobil videokameradan foydalangan holda oshkora olib borishi va bu haqida yoʻl harakati qatnashchilariga maʼlum qilishi kerak edi.

Qaror bilan YPX xodimlari xizmat vazifalarida mobil videokameradan foydalanishiga oid talab 2020-yilning 1-yanvariga qadar uzaytirildi.

Shunga koʻra, yoʻl harakati qatnashchilari 2020-yil 1-yanvargacha xizmatni mobil videokamerasiz olib borayotgan YPX xodimiga hujjatlarni taqdim etmaslik huquqidan foydalana olmaydi.

Eslatib oʻtamiz, yoʻl harakati qatnashchilari YPX xodimi bilan oʻzaro munosabatini oʻziga tegishli audio, foto va video qurilmaga qayd qilish huquqiga ega (YPX xodimi tomonidan foto va video tasvirga olish taqiqlangan belgi mavjud hududlarda xizmat olib borish holatlari bundan mustasno).


Izohlar

Hozircha hech kim fikr bildirmagan. Balki Siz birinchilardan bo'larsiz?