Bosh prokuratura huzuridagi Departamentning Chilonzor tumani boʻlimi tomonidan “Toshissiqquvvati” DUK Chilonzor tumani boʻlimi murojaatiga asosan tergovga qadar tekshiruv olib borildi. Bu haqda Bosh prokuratura matbuot xizmati xabar berdi.

Unda mazkur boʻlim texnik xodimi Z.M. 2018-yil davomida 58 nafar fuqaro tomonidan isitish tizimi va issiq suv manbai uchun toʻlangan pullarni isteʼmolchilarning shaxsiy hisob-raqamlariga tushirmasdan, ularga toʻlov kvitansiyalarini yozib berish orqali jami 27 mln. soʻm pul mablagʻlarini firibgarlik yoʻli bilan qoʻlga kiritganligi aniqlangan.

Mazkur holat yuzasidan Z.M.ga nisbatan Oʻzbekiston Respublikasi Jinoyat kodeksining tegishli moddasi bilan jinoyat ishi qoʻzgʻatilib, tergov harakatlari oʻtkazilmoqda.