“Ishlaganni — ragʻbatlantirish, ishlamaganni — jazolash” tizimi sarhisob qilindi

22:17 10 Yanvar 2019 Jamiyat
585 0

Foto: Oʻzbekiston Respublikasi Prezidentining Matbuot xizmati.

Avval xabar berganimizdek, Oʻzbekiston Respublikasi Prezidenti Shavkat Mirziyoyev raisligida 10 yanvar kuni mamlakatimiz tinchligi va jamoat xavfsizligini taʼminlash, jinoyatchilikning oldini olish borasidagi kelgusi vazifalarga bagʻishlangan videoselektor yigʻilishi boʻlib oʻtdi.

Davlatimiz rahbari oʻtgan bir yilda ichki ishlar organlari tizimida amalga oshirilgan oʻzgarishlarga ham alohida eʼtibor qaratdi.

— Xabaringiz bor, oʻtgan yili “ishlaganni — ragʻbatlantirish, ishlamaganni — jazolash tizimi”ni joriy etgan edik. Bugun uni sarhisob qiladigan vaqt keldi, — dedi Prezident.

Shundan kelib chiqib, jinoyatchilikni jilovlashda eng yuqori natijaga erishgan 10 ta hudud — Shirin va Guliston shaharlari, Shahrisabz, Yangiyoʻl, Kegeyli, Qonlikoʻl, Xovos, Sardoba, Mirobod, Oʻrta Chirchiq tumanlari ichki ishlar boʻlimlari boshliqlarini moddiy ragʻbatlantirish, aksincha, bu borada koʻrsatkichlari eng salbiy boʻlgan 10 ta hudud — Nurota, Nishon, Ellikqalʼa, Paxtaobod, Doʻstlik, Paxtakor, Izboskan, Boʻstonliq, Buvayda, Quyi Chirchiq tumanlari ichki ishlar boʻlimlari boshliqlariga jarima shaklidagi intizomiy jazo qoʻllash boʻyicha tegishli koʻrsatmalar berildi.

 

 

Qonun ustuvor, adolat barqaror boʻlsa, jinoyatchilikka oʻrin qolmaydi

 

 

Prezident ichki ishlar organlari oldidagi muhim vazifalarni belgilab berdi

 


Izohlar

Hozircha hech kim fikr bildirmagan. Balki Siz birinchilardan bo'larsiz?