Ixtirochi olim va ijodkorlarimiz xorijga chiqib ketdi — Shavkat Mirziyoyev

21:24 12 Oktyabr 2020 Jamiyat
609 0

Oʻzbekiston Respublikasi Prezidenti Shavkat Mirziyoyev 12-oktyabr kuni intellektual mulk obyektlarini muhofaza qilish tizimini takomillashtirish chora-tadbirlari yuzasidan yigʻilish oʻtkazdi.

Ilm-fan va innovatsiyani rivojlantirish, bu sohadagi yutuqlarni yuqori qoʻshilgan qiymatli mahsulotga aylantirishda intellektual mulkning ishonchli himoyasini taʼminlash juda muhim. Dunyoda tovarlarning brend qiymati yuqori hisoblanadi. Intellektual mulk Yevropada yalpi ichki mahsulotning 45 foizini, Xitoyda 12, Rossiyada 7 foizni tashkil etadi.

Afsuski, mamlakatimiz bu borada dunyo bozoridan uzoqlashib ketdi. Na tegishli idoralar va na hudud rahbarlari intellektual mulk masalasiga eʼtibor berdi. Shu sababli ixtirochi olim va ijodkorlarimiz xorijga chiqib ketdi. Ilmiy institutlarimiz innovatsiyalar, tarmoqlar esa xaridorgir ishlanma va brendlar yarata olgani yoʻq.

Boʻlgan taqdirda ham aksariyat ixtirolar, foydali modellar, sanoat namunalari boʻyicha murojaatlar ilmiy ishni tezroq roʻyxatdan oʻtkazib olish maqsadida qilinmoqda. Bu boradagi talablar ham eskirib qolgan.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?