Buxoro viloyati musiqali drama teatri repertuari yana bir asar bilan boyidi. Bu erda “Hindistonlik kelin” komediyasi sahnalashtirildi.

— Ayni damda tomoshabinlarni qanday mavzular qiziqtirishini, ularga nimalar ma’qul kelishini nazarda tutgan holda shu asarni sahnaga olib chiqdik, — deydi taniqli aktyor va rejissyor, O’zbekiston xalq artisti Ubaydullo Omon. — Hind va o’zbek xalqlarining urf-odatlari, mehmondo’stlik an’analaridan o’rinli foydalanib, teatr muxlislariga xushkayfiyat ulashadigan, ularning ma’naviy dunyoqarashlarini kengaytiradigan asar yaratdik, deb o’ylayman.
Teatr jamoasi mazkur komediyani ijodiy safarlarda ham namoyish etadi.
Istam IBROHIMOV,
«Xalq so’zi» muxbiri.