Harbiylar Muhammad Yusuf uy-muzeyida hashar oʻtkazdi

10:18 19 Avgust 2019 Jamiyat
171 0

Oʻzbekiston Respublikasi Vazirlar Mahkamasining 2019-yil 10-avgustdagi farmoyishiga binoan joriy yilning avgust oyi mamlakatimizda obodonlashtirish va tozalik oyligi hamda 17-18-avgust umumxalq xayriya hashari kunlari, deb eʼlon qilindi. Bu haqda Mudofaa vazirligi Axborot va ommaviy kommunikatsiyalar departamenti xabar berdi.

Shu munosabat bilan Mudofaa vazirligi qoʻshinlarida, okruglar, harbiy shaharcha va ularga yaqin hududlarda, harbiy qism va muassasalarda minglab koʻchatlar oʻtqazildi, daraxtlar butalanib, oqlandi, ariq va koʻchalar xazondan tozalandi, hududlarga yam-yashil oʻtlar va anvoyi gullar ekildi.

Unda Mudofaa vazirligiga qarashli barcha harbiy boʻlinmalarning harbiy xizmatchilari ishtirok etdi.

– Milliy qadriyatlarimizning boqiy anʼanalaridan biri hisoblanmish hashardagi saʼy-harakatlarimiz natijasida harbiy qism va muassasalar hududi va yon-atroflarida obodonlashtirish, koʻkalamzorlashtirish ishlari olib borildi, mevali va manzarali daraxt koʻchatlari oʻtqazildi, ariq-zovurlar tozalandi, – dedi Toshkent harbiy okrugiga qarashali harbiy qismlardan birida xizmat qilayotgan kapitan Doniyor Olloberganov. – Aslida oʻsimlik, nav-nihol ekish, uni parvarishlash azal-azaldan ezgu ish sanaladi. Shunday ekan, inson ruhiyatini oziqlantiruvchi va rohat bagʻishlovchi bunday ishlarda ishtirok etish barchamiz uchun ham maroqli, ham huzurbaxshdir.

Taʼkidlash kerakki, umumxalq hasharida harbiy xizmatchilarning oila aʼzolari ham faol ishtirok etib, yurtimiz obodonligiga oʻz hissasini qoʻshdi.


Izohlar

Hozircha hech kim fikr bildirmagan. Balki Siz birinchilardan bo'larsiz?