GM Uzbekistan avtomobillari narxi oshmoqda. Oldindan shartnoma tuzganlar qo‘shimcha pul to‘laydimi?

12:07 30 Iyul 2018 Iqtisodiyot
1739 0
Arxiv foto

GM Uzbekistan O‘zbekiston bozori uchun ishlab chiqarilgan avtomobillari narxini oshirayotgani haqida xabar bergandik. Bu bir qator savollarni keltirib chiqardi.

Hozirgi kunga qadar kompaniyaga tegishli avtomobillarini sotish bilan shug‘ullanuvchi dilerlik avtosalonlarida mashinalarning markasiga qarab, 45 daqiqa ichida rasmiylashtirib, xaridorga yetkazib beriladigan avtomobillar ham bor, talabning ko‘pligi tufayli 45 ish kunida (60 yoki undan ortiqroq) xaridorga yetkazib beriladigan mashinalar ham mavjud.

Tabiiyki, ko‘proq muddat talab qilinadigan mashinalar uchun shartnoma tuzgan xaridor, avtomobil uchun 85 foizlik to‘lovni amalga oshiradi. Yangi narxlar chiqquniga qadar avtosalonlarga to‘lovni amalga oshirgan, shartnoma tuzgan, lekin hali mashinasini olmagan xaridorlarda savol tug‘ildi: Endi biz nima qilamiz?

“Xalq so‘zi Online“ga ma’lum bo‘lishicha, yangi narxlar eski shartnoma tuzilgan mashinalarga amal qilmaydi. Yangi narxlar rasmiy e’lon qilingach (ma’lum bo‘lgach), yangi shartnomalar uchun amal qiladi. Oldinroq avtomobil sotib olish uchun to‘lovni amalga oshirgan xaridorlar. Yangi narxdagi ustamalarni to‘lamaydi. Ular eski narx bo‘yicha qoldiq to‘lovni amalga oshirib, mashinalarni olishi mumkin bo‘ladi.


Izohlar

Hozircha hech kim fikr bildirmagan. Balki Siz birinchilardan bo'larsiz?