Fuqarolar davlat byudjetini nazorat qilishda ishtirok etadi

10:32 01 Sentyabr 2019 Jamiyat
253 0

Ayrim qonun hujjatlariga oʻzgartish va qoʻshimchalar kiritish toʻgʻrisidagi Qonun Prezident tomonidan imzolandi (OʻRQ-559, 29.08.2019-y.)

Qonun bilan qonun hujjatlariga byudjet jarayonida fuqarolarning faol ishtirok etishini taʼminlashga qaratilgan oʻzgartirishlar kiritildi.

Xususan:

-davlat byudjeti va davlat maqsadli jamgʻarmalari byudjetlari loyihasi, ularning ijrosi toʻgʻrisidagi hisobotlarning auditi va baholash natijalari yuzasidan Hisob palatasining xulosalari majburiy ravishda eʼlon qilinadi;

-vazirlik va idoralar byudjet mablagʻlaridan foydalanish, oʻtkazilgan tanlovlar va sotib olingan tovarlarni yetkazib berish toʻgʻrisida axborotlarni oʻz rasmiy veb-saytlarida joylashtiradi;

-mahalliy byudjetlarni ijrosi boʻyicha hisobotning xalq deputatlari kengashlarida tasdiqlanish jarayoni OAVda yoritiladi;

- davlat byudjeti va davlat maqsadli jamgʻarmalari byudjetlari loyihalari, ularning ijrosi boʻyicha hisobotlarni hamda kelgusi ikki yilga oid byudjet moʻljali Oliy Majlisga taqdim etilishidan oldin jamoatchilik muhokamasidan oʻtkaziladi.

Ushbu Qonun rasmiy eʼlon qilingan kundan eʼtiboran kuchga kiradi.


Izohlar

Hozircha hech kim fikr bildirmagan. Balki Siz birinchilardan bo'larsiz?