Yekaterinburgda Oʻzbekistonning toʻrt fuqarosi gazdan zaharlanib vafot etdi

17:39 17 Aprel 2019 Jamiyat
308 0

Illyustrativ foto

2019 yil 17 aprelga oʻtar kechasi Yekaterinburg shahrining qurilish obyektlaridan birida kelib chiqishi surxondaryolik boʻlgan mamlakatimiz fuqarolari vafot etdi. Bu haqda Oʻzbekistonning Yekaterinburg shahridagi Bosh konsulxonasi ”Xalq soʻzi”ga maʼlum qildi.

Dastlabki maʼlumotlarga koʻra, ular yongʻin va gazdan zaharlanish oqibatida halok boʻlgan. Konsullik markazi halok boʻlganlar haqida maʼlumotni ham taqdim etgan:

- Mengtoshev Shuhrat Uralovich, 22.08.1989 yilda tugʻilgan;

- Qurbonov Akbarali Saidmurodovich, 23.11.1995 yilda tugʻilgan;

- Ziyadullayev Ulugʻbek Olimjonovich, 18.11.1998 yilda tugʻilgan;

- Choriyev Isroil Ravshanovich, 18.10.1996 yilda tugʻilgan.

Olingan maʼlumotlarga koʻra, ushbu hamyurtlarimiz 15 aprel kuni Yekaterinburg shahri Akademik tumanidagi qurilish obyektlaridan biriga ishga kirish uchun kelishgan.

Ayni paytda vakolatli organlari tomonidan voqeaning barcha tafsilotlarini aniqlash uchun tergov oldi tadbirlari boshlangan.

Bosh konsulxona marhum hamyurtlarimizning oila aʼzolari va yaqinlariga taʼziya bildiradi va maʼlum qiladiki, Oʻzbekistonning Moskva shahridagi Elchixonasi bilan hamkorlikda mazkur vaziyat nazoratga olingan hamda vafot etganlarning jasadlarini vatanga qaytarish masalasi hal qilinmoqda.


Izohlar

Hozircha hech kim fikr bildirmagan. Balki Siz birinchilardan bo'larsiz?