Chungvon Choy Oʻzbekiston Prezidenti shaxsan taekvondoga qiziqishini eʼtirof etdi

10:14 07 Avgust 2019 Jamiyat
155 0

Xabaringiz bor, bugun Toshkentda kadetlar oʻrtasida jahon chempionati start oladi. Shu munosabat bilan kecha yurtimizga Butunjahon taekvondo federatsiyasi prezidenti Chungvon Choy tashrif buyurdi. Martabali mehmon Islom Karimov nomidagi Toshkent xalqaro aeroportida kutib olindi va oʻsha yerning oʻzida OAV xodimlariga qisqa intervyu berdi.

Bundan ikki yil oldin Oʻzbekistonga tashrif buyurgandim. Bu safar kadetlar oʻrtasidagi jahon chempionati sabab mamlakatingizga keldim. Bu yerda jahon chempionatini yuqori saviyada tashkil etish uchun juda yaxshi tayyorgarlik olib borilgani koʻrinib turibdi.

Avvalgi tashrifim davomida Toshkentda “Prezident kubogi”ni tashkil etgandik, shuningdek, yana bir qator musobaqalarni oʻtkazganmiz. Jahon chempionatidek nufuzli musobaqalarni oʻtkazish uchun Oʻzbekistonda moddiy-texnik baza imkoniyatlari yetarli. Eng asosiysi, Respublika Prezidenti janob Shavkat Mirziyoyev shaxsan ushbu sport turiga qiziqadilar. Shu sababdan ham mazkur chempionatni Oʻzbekistonga ishonib topshirdik.

Umid qilamanki, ushbu musobaqa Oʻzbekiston uchun oldinda turgan nufuzli musobaqalar, jumladan Tokio 2020 Olimpiadasiga muvaffaqiyatli natija qayd etish yoʻlida ahamiyatga ega boʻladi", - dedi Butunjahon taekvondo federatsiyasi prezidenti Chungvon Choy.


Izohlar

Hozircha hech kim fikr bildirmagan. Balki Siz birinchilardan bo'larsiz?