“Chiroyli” avtoraqamlarning narxlari o‘zgardi

10:39 26 Iyun 2018 Jamiyat
37357 1

Hukumatning 2018 yil 25 iyundagi qarori bilan Jismoniy va yuridik shaxslarga avtotransport vositalari uchun ro‘yxatdan o‘tkazish davlat raqami belgilarini oshirilgan to‘lov stavkalari bo‘yicha berishda “O‘zbekiston respublika tovar-xom ashyo birjasi” AJ axborot tizimida auksion o‘tkazish tartibi to‘g‘risidagi nizomga o‘zgartirishlar kiritildi.

Adliya vazirligining “Huquqiy axborot” kanalining xabar berishicha, endilikda «chiroyli” raqamlar kamida 5 ish kuni muddatga (ilgari 3 ish kuni) auksionga qo‘yiladi.

Bundan tashqari “chiroyli” raqamlarning boshlang‘ich narxlari va toifalari ham o‘zgardi.

Xususan, 002, 003, 004, 005, 006, 008, 009 raqamlar kombinatsiyasi 2 toifaga o‘tkazildi.

2 toifa raqamlarining boshlang‘ich narxi agar ular har xil kombinatsiyadagi harflar bilan bo‘lsa eng kam ish haqining 40 baravari (ilgari 70 baravar) etib belgilandi.

Ayrim raqamlar kombinatsiyasi (100, 200, 300, 400, 500, 600, 700, 800, 900) ro‘yxatdan chiqarildi.


Izohlar

Hozircha hech kim fikr bildirmagan. Balki Siz birinchilardan bo'larsiz?