Chirchiqdan Olmaotaga xalqaro avtobus yoʻnalishi ochildi

10:55 15 Noyabr 2018 Jamiyat
764 0

Foto: Oʻzbekiston avtomobil transporti agentligi

Joriy yilning 14 noyabr kunidan eʼtiboran Chirchiq-Olmaota yoʻnalishida xalqaro avtobus qatnovi yoʻlga qoʻyildi. Bu haqda Oʻzbekiston avtomobil transporti agentligi “Xalq soʻzi”ga maʼlum qildi.

Qayd qilinishicha, ushbu yoʻnalishda Oʻzbekiston tomondan tashuvchi “Oʻzavtotrans Servis” UK, Qozogʻiston tomonidan esa tashuvchi “Oʻrda” firmasi xizmat koʻrsatadi. Yoʻlovchilar bugungi kunda eng zamonaviy va bir qator qulayliklarga ega boʻlgan“VANHOL” avtobuslarda oʻz manzillariga yetkaziladi.Mazkur yoʻnalish masofasi 818,0 km. boʻlib qatnovga 16 soatu 30 daqiqa vaqt sarflanadi. Yoʻlkira haqi tashuvchilar tomonidan Chirchiqdan Ushkunur avtostansiyasigacha – 150 ming soʻm. Ushkunurdan Chirchiqgacha esa – 6 ming tenge qilib belgilandi. Yoʻnalishdagi qatnov “Turkiston” (Oʻzbekiston), “Qazigʻurt” (Qozogʻiston) nazorat oʻtkazish maskanlari orqali amalga oshiriladi.

Foto: Oʻzbekiston avtomobil transporti agentligi

Bugungi kungacha Oʻzbekiston avtomobil transporti agentligi tomonidan xalqaro avtobus yoʻnalishlari soni 11 taga yetdi. Shulardan 5 tasi Qozogʻiston Respublikasiga “Toshkent-Chimkent” (yanvar oyidan), “Toshkent-Olmaota”(aprel oyidan), “Toshkent- Qiziloʻrda”(iyul oyidan), “Nukus-Ushkunur”(avgust oyidan), “Chirchiq-Ushkunur”(14 noyabrdan) yoʻnalishlarida amalga oshirilmoqda.

Qirgʻiziston Respublikasiga 1 ta “Toshkent-Bishkek” yoʻnalishida joriy yilning may oyidan buyon yoʻlovchilarga xizmat koʻrsatilmoqda.

Tojikiston Respublikasiga shu kunga qadar 4 ta “Toshkent-Xoʻjand”(may oyidan), “Termiz-Dushanbe” (sentyabr oyidan), “Denov-Dushanbe” (sentyabr oyidan), “Samarqand- Panjikent”(sentyabr oyidan) yoʻnalishlari ochildi.

Foto: Oʻzbekiston avtomobil transporti agentligi

Rossiya Federatsiyasiga 1ta “Toshkent-Nijniy Novgorod” yoʻnalishida sentyabr oyidan eʼtiboran qatnovlar amalga oshirilmoqda.

Ushbu yoʻnalishlarda kuniga 15-16 ta avtobus xizmatidan oʻrtacha 600-700 ta yoʻlovchi foydalanmoqda. Yoʻnalishlar ochilgandan boshlab 62 000 dan ortiq yoʻlovchilar xalqaro yoʻnalishlarda oʻz manziliga yetkazildi.


Izohlar

Hozircha hech kim fikr bildirmagan. Balki Siz birinchilardan bo'larsiz?