Buxorodagi suv toshqinlari boʻyicha rasmiy bayonot berildi

14:32 10 Aprel 2019 Jamiyat
152 0

Joriy yilning 9 aprel kuni soat 04:00 da boshlangan surunkali yomgʻir yogʻishi natijasida, Buxoro shahrining “Amirobod”, “Hofiz Tanish Buxoriy”, “Rohat”, “Chorboqoli”, “Mirzo Gʻofur”, “Havzinav”, “Ozod”, “Nizomiy”, “Tursunoy”, “Kamolot”, “Tinchlik”, “Yangiobod”, “Tagband Bofon”, “Furqat” “Xoʻja Porso” koʻchalari shuningdek, Buxoro tumani “Sheyxoncha” koʻchasiga ariqlardan suv toshib chiqishi holatlari kuzatildi. Bu haqda FVV xabar berdi.

Bundan tashqari, “Havzinav” koʻchasi 21-uy, Amirobod koʻchasidagi 13-uy, “Boʻri Bofon” koʻchasidagi 23-uy, “Obod” koʻchasidagi 74-uy, “Rohat” koʻchasidagi 31-uy, “Koʻchabogʻ” koʻchasidagi 20-uy, “Toshkoʻcha” koʻchasidagi 80-uy, “Mirzo Gʻofur” koʻchasidagi 19-uy, “Mustaqillik” koʻchasidagi 32-uylarning hovlilariga oqava suvlari kirish holatlari qayd etildi.

Yuzaga kelgan vaziyatni bartaraf etish tadbirlariga viloyat Favqulodda vaziyatlar, Ichki ishlar, Yongʻin xavfsizligi boshqarmalari, shuningdek, Buxoro shahar hokimligi, Obodonlashtirish boshqarmasi, viloyat ”Suvoqava” DUKning shaxsiy tarkibi va maxsus texnika vositalari jalb etildi.

Mazkur holatlarda binolarning qulashi va fuqarolarning tan jarohati olishi bilan bogʻliq holatlar kuzatilmadi.


Izohlar

Hozircha hech kim fikr bildirmagan. Balki Siz birinchilardan bo'larsiz?