BMTning sobiq bosh kotibi Pan Gi Mun har yili Xitoyning Xaynan oroli Boao shahrida bo‘lib o‘tadigan Boao Osiyo iqtisodiy forumi direktorlar kengashi raisi etib saylandi. Bu yilgi anjuman kecha boshlandi va 11 aprelgacha davom etadi.

Direktorlar kengashiga, shuningdek, 19 kishi, jumladan, Rossiyaning sobiq bosh vaziri, ayni paytda “Gazprom” kompaniyasi direktorlar kengashi raisi Viktor Zubkov kiritildi.

Bu yilgi forum 10 aprel kuni ochiladi. Unda XXR raisi Si Szinpin, BMT Bosh kotibi Antoniu Gutteresh va XVJ ijrochi direktori Kristin Lagard so‘zga chiqadi.

Eslatib o‘tamiz, Boao mezbonlik qiladigan an’naviy Osiyo Forumiga 2001 yilda asos solingan. Uning vazifasi Osiyo mamlakatlari o‘rtasida muvofiqlashtirish va hamkorlikni rivojlantirish, dunyoning boshqa mintaqalari bilan muloqot va iqtisodiy aloqalarni jadallashtirish, rasmiy shaxslar, ishbilarmonlar, mutaxassislar va olimlar o‘rtasida iqtisodiy, ijtimoiy va boshqa masalalar bo‘yicha muloqotni yo‘lga qo‘yishda platforma yaratishdan iborat.