AQSHlik futbol muxlislariga Rossiyaga qo‘l telefoni bilan bormaslik tavsiya etildi

12:29 13 Iyun 2018 Dunyo
195 0
Foto: Fox News

AQSH milliy kontrrazvedka markazi direktori Uilyam Evanina Rossiyada bo‘lib o‘tadigan futbol bo‘yicha jahon chempionatiga boradigan hamyurt muxlislarga o‘zlari bilan mobil telefon va boshqa elektron qurilmalarni olib ketmaslikni maslahat berdi. Uning aytishicha, ma’lumotlar olish uchun kiberjinoyatchilar va boshqalar qurilmalarga buzib kirishi mumkin.

“Agar siz o‘zingiz bilan mobil telefonlar, noutbuklar yoki boshqa elektron qurilmalarni olib ketishni rejalashtirayotgan bo‘lsangiz, Rossiya hukumati yoki kiberjinoyatchilar ulardagi ma’lumotlarni qo‘lga kiritishga urinishi mumkin”, - deydi Uilyam Evanina.

Mazkur lavozimga tayinlangunga qadar uzoq vaqt FQBda ishlagan Evaninaning so‘zlariga ko‘ra, bu borada, ayniqsa, korporatsiyalar yoki hukumatning rasmiy vakillari ehtiyot bo‘lishlari kerak.
“Jamiyatda katta o‘ringa ega shaxslar nishonga aylanishi mumkin. Agar elektron qurilmalarsiz bora oladigan bo‘lsangiz, ularni olmang. Agar bunga zarurat tug‘ilsa, asosan foydalanadigan qurilmani emas, boshqasini ola keting” – deydi u.

AQSHning Rossiyadagi diplomatik vakolatxonasi rahbari Entoni Godfrining aytishicha, ushbu davlatga qariyb 35 ming nafar amerikalik ishqiboz tashrif buyurishi kutilmoqda.

Oldinroq Buyuk Britaniya maxsus xizmatlari ham xuddi shunday bayonot bilan chiqqandi.


Izohlar

Hozircha hech kim fikr bildirmagan. Balki Siz birinchilardan bo'larsiz?