XS.UZ
Ўзбекистон Президенти Туркия ташқи ишлар вазирини қабул қилди Ўзбекистон Президенти АҚШ Қуролли Кучлари Марказий қўмондонлиги қўмондонини қабул қилди Мевлут Чавушўғлу: ҳамкорликнинг янги саҳифалари Очиқ, дўстона ва прагматик сиёсат Фаластин делегациясининг учрашувлари Оила юртдошларимиз учун олий қадрият ҳисобланади Имтиёз ва енгилликлар истиқболли лойиҳаларга йўл очмоқда Фракцияларда долзарб масалалар кўриб чиқилди Инсон хотираси боқий, қадр-қиммати улуғ Дастлабки чорак таҳлили Унутилмас кун қувончи Инновацион ва ижодий ғоялар намойиши Янги маслаҳатчилар ўз фаолиятларини бошлади «Ёш чегарачилар» беллашдилар «Энг намунали оила» республика танлови Қўшиқларга кўчган қалб туғёни 2017 — 2021 йилларда кўп хонадонли уй-жой фондини сақлаш ва ундан фойдаланиш тизимини янада такомиллаштириш чора-тадбирлари Миллат ифтихори, фахр ва ғурури Ҳудудий саноат ярмаркалари Фаровон ҳаёт завқи Фахрийларга ҳурмат ва эҳтиром кўрсатилди Олий таълим тизими замонавий ёндашувлар асосида ривожланади Умидбахш мулоқотлар, амалий лойиҳалар Илғор технологиялар, инновацион дастурлар электрон тижорат равнақида муҳим аҳамият касб этмоқда Ижтимоий йўналтирилган профессионал фаолият «Баҳор нафаси» 2017 — 2021 йилларда умумий қиймати 40 миллиард ақш доллари миқдоридаги 649 та инвестиция лойиҳасини назарда Ўзбекистон Республикаси ва Қозоғистон Республикаси Президентларининг телефон орқали мулоқоти тўғрисида Ўзбекистон ва Сингапур Президентлари бир-бирларини қутладилар 2018 — 2022 йилларда иссиқлик таъминоти тизимини ривожлантириш дастури тўғрисида
  • 21 Апрель 2017

Эъзоз топган қадриятлар

Ҳунармандчилик — аждодларимиздан мерос қадрият. У истиқлол шарофати билан қайта қадр топди, ривожланди. Оилавий тадбиркорликка кенг йўл очилиши эса соҳа равнақида янги босқични бошлаб берди. 

Бунда халқ ижодиёти вакилларига яратилган имтиёз ва имкониятларнинг аҳамияти беқиёс. 

Самарқанд вилоятида олиб борилаётган ишлар ҳам бунга яққол мисол бўла олади. Зеро, мазкур заминнинг истеъдодли вакиллари қўлида сайқал топган амалий санъат намуналари қадр-қиммати баланд.

Миржамол Асадов ҳам ҳунарни санъат даражасига кўтарган моҳир усталардан биридир. Шу боис унинг довруғи нафақат юртимиз, балки хорижда ҳам машҳур. Масалан, Туркия давлатининг Конья шаҳрида жойлашган Жалолиддин Румий зиёратгоҳидаги 84 метрлик айвон устунлари, эшик ва ромларида М. Асадовнинг ижодий намуналарини учратасиз.

Уларга ишланган нақшинкор безаклар беихтиёр ҳайратингизни оширади. Москвадаги “Самарқанд” савдо маркази кириш қисми ҳам ана шундай услубда сайқалланган. Бу рўйхатни яна узоқ давом эттириш мумкин. Бинобарин, устанинг икки қаватли нақшлари Хива, Навоий, Бухоро, Термиз ва Тошкент шаҳарларидаги ёдгорликлар, пойтахтимиздаги Ўзбек миллий академик драма театри, ўафур ўулом, Ойбек, Мухтор Ашрафий уй-музейлари, Республика қўғирчоқ театри, Кўкалдош, Абул Қосим мадрасаларига алоҳида зеб бериб турибди. Бундан ташқари, Самарқанддаги Ҳазрати Хизр, Амир Темур мақбаралари, Бибихоним масжиди, Имом Бухорий ёдгорлик мажмуаси, Бухородаги Баҳоуддин Нақшбанд мақбараси, Арк ичидаги Масжиди Калон, ўиждувондаги Улуғбек мадрасаларининг эшик-ромлари, устунлари — ноёб истеъдод соҳибининг машаққатли меҳнати маҳсули.

— Биринчи Президентимизнинг 2010 йил 30 мартдаги “Халқ бадиий ҳунармандчилиги ва амалий санъатини ривожлантиришни янада қўллаб-қувватлаш тўғрисида”ги Фармони касб-коримизга янада барака киритди, — дейди Миржамол Асадов. — Хусусан, унда белгилаб берилган имтиёзлар ҳунармандчилик негизида оилавий бизнесини йўлга қўйган кўплаб юртдошларимиз даромадига даромад қўшди. Қолаверса, бетакрор буюмлари билан нафақат маҳаллий харидорлар, балки хорижий сайёҳлар эътиборини ҳам ўзига жалб қилаётган ёш усталаримизнинг интилишу изланишлари, ғайрату шижоатини кўриб қувониб кетаман. Негаки, улар касбимиз давомчилари, эртамиз эгалари, фахримиз ва ғуруримиздир.

Дарҳақиқат, Самарқандда бундай қўлигул кишилардан 1076 нафари “Ҳунарманд” уюшмасига бирлашиб, қадимий касбларни қайта тиклаш ва ривожлантиришга муносиб ҳисса қўшиб келаётир. Улар томонидан ҳунармандчиликнинг 25 йўналиши бўйича мингдан ортиқ турда тайёрланаётган истеъмол моллари ва совғабоп буюмларга талаб юқори. Миллий ҳунармандчилик сир-асрорлари ва анъаналарини  ўргатиш мақсадида жойларда 146 та “Устоз — шогирд” мактабига асос солиниб, уларга 393 нафар ёш жалб қилинган. Бундан ташқари, ҳамкор ташкилотлар кўмагида ёшларни ҳунарга қизиқтириш, оилавий тадбиркорликни ривожлантиришга мўлжалланган тадбирлар ташкил қилинаяпти, банклар томонидан имтиёзли шартлар асосида кредит маблағлари -ажратилмоқда. 

Албатта, бундай хайрли ишлар юртимиз тараққиётини таъминлаши муқаррар. Зеро, -инсон меҳри, кўз нури ва қалб қўри билан тайёрланган ҳар бир дурдона халқимизнинг бунёдкорлик салоҳиятини ҳамиша яққол намоён этади. 

Мамадиёр ЗИЁДИНОВ,

«Халқ сўзи» мухбири.

Шомурот ШАРАПОВ 

олган суратлар.

 

Кўриш қобилияти чекланганлар учун

A- A A+

Кўп ўқилган