XS.UZ
Асосий мақсадимиз – мамлакатимизни янада тараққий эттириш ва халқимиз фаровонлигини юксалтиришдир Ташқи ишлар вазирлигида учрашув ШҲТ: Тинчлик ва ҳамжиҳатлик йўлидаги ҳамкорлик истиқболлари Савдо-иқтисодий алоқалар мустаҳкамланмоқда Ҳаракатлар стратегияси Барқарор ривожланиш мақсадларига уйғундир Соғлом турмуш тарзи тарғиботи «Юқори маошли ва обрўли ишга киришни хоҳлайман» Юртни мадҳ этган шоир Ғолиблар аниқланди Иқлим ўзгаришларига мослашиш экологик муаммоларнинг салбий оқибатларини юмшатишга хизмат қилади Ўзбек саҳнасида жаҳон классик мусиқасидан намуналар янгради Ўзбекистон Президенти Туркия ташқи ишлар вазирини қабул қилди Ўзбекистон Президенти АҚШ Қуролли Кучлари Марказий қўмондонлиги қўмондонини қабул қилди Мевлут Чавушўғлу: ҳамкорликнинг янги саҳифалари Очиқ, дўстона ва прагматик сиёсат Фаластин делегациясининг учрашувлари Оила юртдошларимиз учун олий қадрият ҳисобланади Имтиёз ва енгилликлар истиқболли лойиҳаларга йўл очмоқда Фракцияларда долзарб масалалар кўриб чиқилди Инсон хотираси боқий, қадр-қиммати улуғ Дастлабки чорак таҳлили Унутилмас кун қувончи Инновацион ва ижодий ғоялар намойиши Янги маслаҳатчилар ўз фаолиятларини бошлади «Ёш чегарачилар» беллашдилар «Энг намунали оила» республика танлови Қўшиқларга кўчган қалб туғёни 2017 — 2021 йилларда кўп хонадонли уй-жой фондини сақлаш ва ундан фойдаланиш тизимини янада такомиллаштириш чора-тадбирлари Миллат ифтихори, фахр ва ғурури Ҳудудий саноат ярмаркалари
  • 17 Март 2017

Сума Чакрабарти: ҳаракатлар стратегияси – Ўзбекистон тараққиётининг устувор йўналишлари

Европа тикланиш ва тараққиёт банки президенти Сума Чакрабарти мамлакатимизни янада ривожлантириш бўйича Ҳаракатлар стратегияси, ўзаро ҳамкорлик истиқболлари ҳақида қуйидагиларни баён қилди:

— Ўзбекистонда амалга оширилаётган ислоҳотларни, мамлакатни ҳар томонлама ривожлантиришга қаратилган лойиҳаларни қўллаб-қувватлаймиз. 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси билан танишганимиздан хурсандмиз. Ушбу стратегия ҳар томонлама пухта ўйлаб ишлаб чиқилган ва жуда истиқболли. Унда белгиланган чора-тадбирлар халқ билан муҳокама қилингани, мутахассисларнинг фикр ва таклифлари инобатга олингани эътиборга молик. Бу Халқ билан мулоқот ва инсон манфаатлари йилидан кўзланган мақсадни ифодаловчи ёрқин мисоллардан биридир.

Мазкур Ҳаракатлар стратегиясининг барча йўналиши банкимиз бизнес моделига мос келади. Уни амалга оширишда иштирок этишдан мамнунмиз.

Ўзбекистон билан алоқаларимизнинг янги босқичи бошланганини мамнуният билан қайд этмоқчиман. Турли даражадаги мулоқотларда, хусусан, Президент Шавкат Мирзиёев билан учрашувда ҳамкорлигимизнинг ўзаро манфаатли ва истиқболли йўналишларини белгилаб олдик. Хусусий секторни қўллаб-қувватлаш банкимиз фаолиятининг асосий йўналишларидан биридир. Ўзбекистонда кичик бизнес ва хусусий тадбиркорлик ривожига алоҳида эътибор қаратилаётгани диққатга сазовор. Бу борада қатор лойиҳаларни амалга оширмоқчимиз. 

Банк-молия соҳасини такомиллаштириш бўйича консультатив хизмат кўрсатиш, инвестициявий муҳитни янада яхшилаш, корпоратив бошқарувни ривожлантириш ишларига ҳисса қўшиш ниятидамиз.

Инфратузилма, коммунал, агросаноат, энергетика ва бошқа соҳаларда ҳам қатор ўзаро манфаатли ва истиқболли лойиҳалар мўлжалланмоқда. 

Ушбу соҳаларни қамраб олган қўшма Ҳамкорлик дастури ишлаб чиқилади. Унинг амалга оширилиши ўзаро алоқаларимизни мустаҳкамлашга хизмат қилади. 

ЎзА мухбири А. САМАДОВ

ёзиб олди.

Кўриш қобилияти чекланганлар учун

A- A A+