Йўловчилар учун бепул Wi-Fi тизими
  • 17 Март 2017

Йўловчилар учун бепул Wi-Fi тизими

Пойтахтимиздаги “Олой” деҳқон бозори автобус бекати ҳамда “Ойбек” метро бекатида бепул Wi-Fi тизими ишга туширилди. Эндиликда йўловчилар ушбу тизим орқали ижтимоий тармоқлар, электрон манзил ҳамда интернет билан боғлиқ бўлган бошқа хизматлардан бепул фойдаланишлари мумкин.

Бу ҳақда “Bravo Pharma” масъулияти чекланган жамияти ва бошқа ҳамкор ташкилотлар томонидан ўтказилган тадбирда маълум қилинди. 

— Бепул интернет хизматининг ишга туширилиши Тошкент шаҳри аҳолисига Наврўз байрами арафасида ўзига хос туҳфа бўлди, — дейди “Bravo Pharma” компанияси операциялар бўйича директори Маниш Кумар Шанта. — Келгусида ушбу лойиҳа қамровини янада кенгайтирамиз. Хусусан, “Буюк Ипак йўли” метро бекати, “Истиқлол” санъат саройи автобус бекати, истироҳат боғлари, таълим муассасалари, шифохоналар ва бошқа жамоат объектлари атрофида ҳам ана шундай тизимни йўлга қўйиш кўзда тутилган.

Шунингдек, автобус бекатларига смартфонларни қувват олдириш ускунасини ўрнатиш, маршрут харитасининг электрон онлайн таблолари ва бошқа қулайликларни босқичма-босқич яратиш режалаштирилган.

Раҳимжон ШЕРҚУЛОВ,

«Халқ сўзи» мухбири.

 

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn