Инсонпарварлик ва бағрикенглик ифодаси
XS.UZ
Даъвогарлар минг нафар, совринлар эса чекланган Январь — октябрь ойларида 141 минг 682 нафар қишлоқ жойларда яшовчи фуқаро иш билан таъминланди Шўрчида йилига 3 минг тонна ип-калава ишлаб чиқарилади Марказий Осиёдаги энг қадимий ёзув Қорақалпоғистондан топилган Австрия банки ўзбекистонлик ёш тадбиркорларга имтиёзли кредитлар тақдим этади Ўзбекистон чемпионати: олтин, кумуш ва бронза медаллари эгалари маълум Ўзбекистон ва Япония терма жамоалари ўртасида ўртоқлик учрашувлари ўтказилади “Амалиёт эътирофи — 2017” ёш журналист кадрлар рағбатлантирилди Тошкентга АҚШ Конгресси Вакиллар палатаси аъзоси Трент Келли бошчилигидаги делегация келади  Тошкентда Марказий Осиё давлатларининг сув бўйича ҳамкорлигига бағишланган халқаро конференция ўтказилади Ўзбекистонда корейс миллатига мансуб юртдошларимиз истиқомат қилаётганининг 80 йиллигига бағишланган тантанали маросим иштирокчиларига Одамларнинг бунёдкорона меҳнатини қадрлаб, уларга муносиб турмуш шароити яратиш — энг муҳим вазифамиздир Ўзбекистон — Корея Республикаси: Икки томонлама муносабатлар тараққиётида янги босқич Асосий Қонунимиз тарихига бағишланган кўргазма Жамоатчилик назоратининг ҳуқуқий асослари мустаҳкамланмоқда Истиқлолимиз ва истиқболимиз тимсоли «Менинг маҳалламда жиноят содир бўлмаслиги керак» www.mudofaa.uz сайти ишга тушди Президент қарори: Ўзбек миллий мақом санъати маркази ташкил этилади Ўзбек миллий мақом санъатини янада ривожлантириш чора-тадбирлари тўғрисида Шавкат Мирзиёев Мун Чжэ Иннинг таклифига биноан 22-25 ноябрь кунлари давлат ташрифи билан Корея Республикасида бўлади Бош прокуратура қошида Ахборот-таҳлил мультимедиа маркази ташкил этилади Ўзбeкистон ва Грузия сиёсий маслаҳатлашувлар ўтказди Шавкат Мирзиёев навбатга ёзилиш учун электрон тизим жорий қилинган оилавий поликлиникага борди Шавкат Мирзиёев: ҳар бир маҳалладаги профилактика инспектори ўрнига уч нафар энг профессионал ходим саралаб олиб бириктирилади Энди электр таъминоти корхонаси вакилини онлайн чақириш мумкин Тошкент шаҳрининг ҳар бир туманида 10 тадан сузиш ҳавзаси қурилиши мумкин Президент Сергели туманидаги 55-сонли мактаб фаолияти билан танишди Президентга Хусусий уй-жойларга хизмат кўрсатувчи профессионал бошқарув компанияси фаолияти ҳақида маълумот берилди ЖССТ экспертлари силга қарши курашиш бўйича Ўзбекистон тажрибасини юқори баҳолашди
  • 24 Февраль 2017

Инсонпарварлик ва бағрикенглик ифодаси

Инсон манфаатлари устуворлигини таъминлаш — ҳуқуқий демократик давлат ва кучли фуқаролик жамияти қуришнинг муҳим шарти. Шу боис Ўзбекистон мустақил тараққиёт йилларида адолат ҳамда қонунийлик тамойиллари асосида кучли ижтимоий сиёсат юритиш йўлини танлади. Бу эса юртдошларимиз ҳуқуқ ва эркинликлари рўёбга -чиқишида мустаҳкам асос бўлиб хизмат қилмоқда.

Президентимизнинг жорий йил 22 февралдаги “Ўзбекистон Республикаси фуқаролигига қабул қилиш тўғрисида”ги Фармони ана шу йўлдаги яна бир муҳим қадам бўлди. Мазкур ҳужжат халқимиз томонидан катта мамнуният билан кутиб олинди.

 

Умеда  УРОЛОВА, (Бешариқ тумани):

— Тақдиримдан мингдан-минг розиман. Қўшни республикада туғилган бўлсам-да, Ўзбекистонни Ватаним деб билдим. Шу заминдан бахт топдим. Оилали, фарзандли, қуда-андали бўлдим. 

Ҳозир келин бўлиб тушган манзилим — Бешариқ туманининг Жийда қишлоғида яшаб, турмуш ўртоғим билан “Маъмурбек” фермер хўжалигида ишлаяпмиз. Беш нафар қизимиз — кўзимизнинг оқу қораси. Уларнинг камолу иқболидан кўнглимиз тўқ. Эртасини ўйлаб, ташвиш чекмаймиз. Негаки, инсонпарвар давлатимиз, бағрикенг халқимиз бор! 

Мана, энг катта орзуларимдан бири рўёбга чиқди. Президентимиз Фармонига мувофиқ, Ўзбекистон Республикаси фуқаролигига қабул қилиндим. Шу муносабат билан яқинларим, маҳалладошларим, дўсту ёрларимиз қутлашаяпти. Хонадонимизда катта шодиёна. Энди Ўзбекистоннинг чинакам фуқаросиман! Бунинг учун давлатимиз раҳбаридан умрбод миннатдорман!

 

Бахтиёр ГАФУРОВ, Ангрен шаҳридаги “Egl-nur” масъулияти чекланган жамияти муҳандиси: 

— Президентимизнинг Фармони хонадонимизга қўшалоқ қувонч олиб кирди. Ушбу ҳужжатга асосан, оиламиздан бир йўла уч киши — ўзим, ўғлим Баҳодиржон ҳамда қизим Лайлохон Ўзбекистон Республикаси фуқароси, деган юксак мақомга эга бўлдик. 

Инсон қадр топган жойда азиз бўлар экан. Ҳаётимнинг қарийб йигирма саккиз йили шу заминда кечди. Қўшни республикадан келиб, мана шу жаннатмонанд юртда ўқидим, олий маълумот олдим. Касб-корли бўлдим. Оила қурдим. Фарзандларни камолга етказаяпмиз. Бунинг учун ҳамиша дилимизда ҳам, тилимизда ҳам шукрона.

Халқ билан мулоқот ва инсон манфаатлари йилидаги ўзгариш ҳамда янгиланишлар кўлами ниҳоятда кенг. Ислоҳотлар суръати, шиддати юксак. Бундай паллада ғайрат-шижоат, ташаббус кўрсатиб ишлаш, шу орқали эл-юрт равнақига муносиб ҳисса қўшиш ҳар биримизнинг кундалик вазифамиздир. Зеро, биз Ватанимизни қанча эъзозласак, у ҳам бизни шунча ардоқлайди! 

 

Атабек ДЖАББАРОВ,  (Боғот тумани):

— Бу кунни ўн тўрт йил кутдим. Ватанимиз мустақилликка эришган йилларда мамлакат ташқарисида бўлганман, Туркманистонда ишлаганман. Кўп ўтмай, ўзим туғилиб-ўсган Хоразм вилоятининг Боғот туманига қайтдим. Аммо кўнгилда бир кемтиклик бор эди. Оилам, қўрғоним шу ерда бўлса-да, Ўзбекистоннинг тўлақонли фуқаросига айланиш орзуси билан яшадим. 

Турмуш ўртоғим — уй бекаси. Уч фарзандимиз эл хизматида. Улар ҳам мустақил юртнинг озод ва эркин фуқаролари. Ўзим эса мелиорация соҳасига ихтисослаштирилган “Боғот” давлат унитар корхонасида меҳнат қилаяпман. 

Фуқаролик — шараф, шу билан бирга, юксак бурч ҳамда масъулият дегани. Шундай экан, бундан кейин ҳам оиламиз аъзолари билан Ватанимиз тараққиёти йўлида куч-ғайратимиз, шижоатимизни аямай меҳнат қиламиз.

«Халқ сўзи» мухбирлари ёзиб олди.

 

 

СЎНГГИ ЯНГИЛИКЛАР