XS.UZ
Халқимизнинг розилиги – барча ютуқ ва марраларимизнинг асосий манбаидир 2017 — 2019 йиллар даврида деҳқон бозорларини реконструкция қилиш ва уларнинг ҳудудида замонавий савдо мажмуалари қуриш Ўзбекистон Республикаси Олий Мажлиси Сенатининг тўққизинчи ялпи мажлиси тўғрисида ахборот Фуқароларнинг конституциявий ҳуқуқлари кафолати кучайтирилмоқда Депутатлар ихтисослаштирилган тиббиёт марказларининг фаолиятини муҳокама қилдилар Атоқли давлат арбоби ва ёзувчи Шароф Рашидов таваллудининг 100 йиллигини нишонлаш тўғрисида Ўзбекистон ва Польша Президентлари бир-бирларини қутладилар Халқимиз бунёдкорлик салоҳиятининг амалий ифодаси Замонавий кўприклар халқимиз фаровонлигини юксалтиришга хизмат қилади Ёш мутахассисларга муносиб иш жойлари Кооперацион алоқалар кенгаймоқда Ўзаро манфаатли ҳамкорликнинг юксак самаралари Дипломатлар шахматда беллашди Ишлаб чиқариш кластери инновацион иқтисодиётга ўтишнинг муҳим босқичидир Мавқеини мустаҳкамламоқда Сердаромад ва истиқболли соҳа Ўзбекистон Республикаси билан Қозоғистон Республикаси ўртасида стратегик шерикликни янада чуқурлаштириш ва аҳил қўшничиликни мустаҳкамлаш тўғрисида Автомобилни бошқармаслик учун имтиёз Япония киноси кунлари бошланди Қизилқумлик ёшларга туҳфа Келажак учун муҳим қўлланма Инсон ҳуқуқ ва манфаатлари кафолати профилактика инспекторлари фаолиятининг асосий мезонидир Ўзбекистон Республикаси Олий Мажлиси Сенати тўққизинчи ялпи мажлисининг очилиши тўғрисида Савдо-иқтисодий алоқалар янада кенгаяди Президентимизнинг халқ қабулхоналари Фуқаролик жамияти институтлари ва ҳамкорлик Янги интерактив хизматлар Балиқчиликда вьетнам тажрибаси “Халқ сўзи” ва “Народное слово” газеталари таҳририяти энг яхши мақола ва фотосуратлар танловини эълон қилади. “Халқ сўзи” ва “Народное слово” газеталари таҳририяти энг яхши мақола ва фотосуратлар танловини эълон қилади.
  • 17 Февраль 2017

Ободлик ва фаровонлик кўзгуси

Юрт тараққиёти, аҳоли фаровонлигини транспорт-коммуникация соҳасининг муҳим тармоғи — кенг ва равон йўлларсиз тасаввур этиб бўлмайди. Чунки мамлакатлар ўртасидаги савдо-иқтисодий ҳамда маданий алоқалар ривожида дунёнинг турли нуқталарини бир-бири билан туташтирувчи йирик -автомагистралларнинг ўрни ва аҳамияти беқиёс.

Шу маънода, истиқлол йилларида халқимизнинг бунёдкорлик салоҳияти юксалиб, кўплаб янги йўл ҳамда кўприклар қурилаётгани, унинг инфратузилмаси халқаро андозалар даражасида ривожлантирилаётгани қувонарлидир. Жумладан, ҳозирги кунда Тошкент шаҳрида амалга оширилаётган  улкан ободончилик ва қурилиш ишлари, замонавий ижтимоий соҳа объектлари, йўлсозлик борасидаги илғор тажриба намуналари пойтахтимиз кўркига кўрк бағишламоқда. Буларнинг барчаси шаҳар аҳли ҳамда меҳмонларга ҳар томонлама манзур бўлаяпти. 

Бу жиҳатлар Президентимиз Шавкат Мирзиёевнинг жорий йил 3 февраль куни Тошкент шаҳрида амалга оширилаётган бунёдкорлик ва йирик лойиҳалар билан танишуви жараёнида ҳам алоҳида таъкидланди. Зеро, мамлакатимиз тараққиётида шаҳару қишлоқларимизда жадал давом эттирилаётган кенг кўламли бунёдкорлик ишлари муҳим аҳамиятга эга бўлмоқда. Бинобарин, мана шундай ишлар халқимизнинг янада тўкис ҳамда фаровон турмуш кечиришини таъминлаётир. 

Барқарор иқтисодий ривожланиш, аҳоли турмуш даражасининг юксалиши янги талабларни ўртага қўйиши турган гап. Шу жиҳатдан, бугунги кунда юртдошларимизнинг аксарияти ўз шахсий автомобилига эгалиги,  транспорт ҳаракатлари қатновларининг ортиб бораётгани инобатга олиниб, қўшимча йўл ва кўприклар қурилишига жиддий эътибор қаратилмоқда. 

Пойтахтимизнинг Чилонзор туманидаги Бунёдкор ҳамда Муқимий кўчалари кесишган жойда қурилаётган йўлўтказгич ана шундай лойиҳалардан биридир. Чунки шу пайтгача мазкур кўчалар кесишган чорраҳада тирбандлик юзага келиб, ҳайдовчи ва йўловчиларга қатор ноқулайликлар туғдираётган эди.

Узунлиги 900, баландлиги 6, кенглиги 24 метр бўлган 6 қаторли йўлўтказгич фойдаланишга топширилгач, ушбу муаммолар ўзининг ижобий ечимини топади.

— Мазкур объект қурилишига киришганимиздан буён жараён  жуда қизғин давом эттирилмоқда, — дейди 13-кўприк қурилиш отряди бошлиғи ўринбосари Улуғбек Аҳмедов. — Бунда автокран, бурғилаш каби 6 та махсус техника воситаси ҳамда ўнлаб кичик механизмлар сингари замонавий ускуналардан унумли фойдаланаяпмиз. Шунингдек, бунёдкорлик юмушларига 600 нафарга яқин ишчи-ходимлар жалб қилинган.  Энг муҳими, қурилишда, асосан, маҳаллий корхоналарда ишлаб чиқарилган ашёлар ишлатилаяпти. 

Кўприкнинг икки томонидан пиёдалар учун умумий узунлиги 131,6 метрлик иккита ер усти ўтиш йўлаги ҳам бунёд этилади. Улар ёғингарчиликдан ҳимояланиш мақсадида махсус мослама ҳамда лифтлар билан жиҳозланади. Бундан кўринадики, қурилиш ниҳоясига етказилгач, нафақат ҳайдовчилар, балки йўловчиларга ҳам катта қулайлик яратилади. 

Наврўз байрами арафасида фойдаланишга топширилиши режалаштирилаётган мазкур объект пойтахт аҳлига муносиб совға бўлиши аниқ.

Дилшод УЛУҒМУРОДОВ,

«Халқ сўзи» мухбири.

Ҳасан ПАЙДОЕВ

олган суратлар.

Кўриш қобилияти чекланганлар учун

A- A A+

Кўп ўқилган