XS.UZ
Сиёсий партиялар: Амалий ишлар билан халқ ишончини қозониш мумкин Солиққа оид ўзгаришлар тадбиркорлар манфаатларига хизмат қилади Ишбилармон хотин-қизлар ташаббуси қўллаб-қувватланмоқда Хорижий инвестор: яратиб берилаётган имкониятлардан мамнунмиз Осуда ва хотиржам ҳаёт «Бир болага етти маҳалла ҳам ота, ҳам она» «Нексия» музейдан жой олди Мурожаатлар адолатли ечим топмоқда Асосий мақсад — одил судловни таъминлаш Ҳавзалар баракаси 40 минг тоннага кўпаяди «Муҳаббат оламининг булбули» Юракдан куйланган қўшиқлар «Замонамиз қаҳрамонлари» Солиқ маъмуриятчилигини тубдан такомиллаштириш, солиқлар ва бошқа мажбурий тўловларнинг йиғилувчанлигини ошириш чора-тадбирлари тўғрисида «Маҳалла ифтихори» — ҳам рағбат, ҳам шараф Депутат «юқори»дан топшириқ кутмаслиги керак Имконият кенг, фаолият эркин «Ўзимизни кўрсатадиган давр келди» Ижтимоий ноёб институтнинг тутган ўрни Мадридда муҳокама қилинди Жаҳон тамаддунининг муҳим ҳалқаси Барча соҳаларда ва ҳамиша инсон манфаати устувор бўлиши керак Аҳолини дори воситалари ва тиббиёт буюмлари билан таъминлаш тизимини такомиллаштириш бўйича қўшимча чора-тадбирлар тўғрисида «Мудраб ётган» сиёсий партиялар уйғониши лозим Кичик бизнесга катта эътибор ноанъанавий ишлаб чиқариш тармоқлари ўзлаштирилишига хизмат қилаяпти Парламент фаолияти самарадорлиги маҳаллий Кенгашлардан бошланади Ўзбекистон ёшлар иттифоқи: Юксак ишонч масъулияти Эшитган яхши, кўрган ундан-да афзал Ворислик ва мерос бўйича ҳуқуқларингизни биласизми? Ворислик ва мерос бўйича ҳуқуқларингизни биласизми? «Мустақил юрт ҳунармандлари»
  • 17 Февраль 2017

Мурожаатларга оид амалий қўлланма

Юртимизда амалга оширилаётган ижтимоий-иқтисодий ислоҳотлардан кўзланган мақсад, аввало, инсон ҳуқуқ ҳамда манфаатларини таъминлаш орқали халқимизнинг фаровон, бахтли ҳаёт кечириши учун муносиб шарт-шароит яратишдан иборат.

Шу маънода, давлат ҳокимияти ва бошқаруви органлари ҳамда фуқаролик жамияти институтлари томонидан жисмоний ва юридик шахслар мурожаатлари билан ишлаш тизими такомиллаштирилиб, аниқ чора-тадбирлар олиб борилаётгани муҳим аҳамият касб этмоқда. 

Бинобарин, Президентимизнинг 2016 йил 21 октябрдаги “Суд-ҳуқуқ тизимини янада ислоҳ қилиш, фуқароларнинг ҳуқуқ ва эркинликларини ишончли ҳимоя қилиш кафолатларини кучайтириш чора-тадбирлари тўғрисида”ги Фармонида жисмоний ҳамда юридик шахслар мурожаатларини вақтида ҳал этиш, уларни кўриб чиқишда сансалорлик ва бефарқ муносабатга йўл қўйиш ҳолатлари учун жиноий жавобгарликкача бўлган чоралар муқаррарлигини таъминлаш, бузилган ҳуқуқларни тиклаш бўйича қонуний тадбирларни қўллаш суд, ҳуқуқни муҳофаза қилувчи ҳамда назорат органларининг асосий вазифаларидан бири сифатида белгилаб берилган.

Судларга келиб тушаётган процессуал мурожаатлар — даъво аризалари, аризалар, шикоятлар, илтимосномаларни кўриб чиқиш тартибини янада соддалаштириш, ортиқча қоғозбозликка чек қўйиш, мурожаат қилувчиларга қулайлик яратиш мақсадида Ўзбекистон Республикаси Олий суди, АҚШ халқаро тараққиёт агентлиги, БМТ Тараққиёт дастурининг “Ўзбе-кистонда қонун устуворлиги йўлида ҳамкорлик” деб номланган қўшма лойиҳаси доирасида E-SUD миллий электрон ахборот судлов тизими йўлга қўйилганини айтиш зарур. 

Яқинда лойиҳа доирасида “Фуқаролик ишлари бўйича судга мурожаат қилиш тартиби” номли амалий қўлланма нашрдан чиқарилди. Ушбу китобда республикамиздаги суд тизими, судловга тааллуқли қоидалар, фуқаролик ишлари бўйича судларнинг фуқаролар ҳуқуқ ва қонун билан қўриқланадиган манфаатларини муҳофаза этишдаги ўрни, вазифалари, ваколатлари, жойлашган манзиллари ҳамда уларга мурожаат қилиш тартиби оддий ва содда тилда баён этилган.

Қўлланмада фуқаролик ишлари бўйича судларга мурожаат қилишдан олдин ҳал этилиши керак бўлган масалалар, даъво аризаси, ариза ҳамда шикоятларнинг шакли ва мазмунига қўйиладиган талаблар, уларни судга юбориш, давлат божини тўлаш, зарур ҳужжатларни илова қилиш билан боғлиқ қоидалар, суд муҳокамасига тайёргарлик кўриш, суд муҳокамасини олиб бориш жараёнлари, тарафларнинг суд мажлисида иштирок этишдаги ҳуқуқ ҳамда мажбуриятлари, суд ҳужжатларини чиқариш ва тарафларга юбориш тартиби, уларнинг қайта кўриб чиқилиши масалалари ҳам кенг ёритилган.

Қўлланманинг электрон нусхаси Ўзбекистон Республикаси Олий судининг www.supcourt.uz сайтига жойлаштирилган.

О. ОҚЮЛОВ,

Ўзбекистон Республикасида хизмат кўрсатган юрист, 

юридик фанлар доктори, профессор.

Кўриш қобилияти чекланганлар учун

A- A A+