XS.UZ
“Халқ сўзи” ва “Народное слово” таҳририяти ходимлари пахта йиғим-теримида фаол иштирок этмоқда Тошкентда ШҲТга аъзо давлатларнинг Адлия вазирлари ҳамда Олий суд раислари мажлиси ўтказилади Агрепина Шин Ўзбекистон Республикаси Мактабгача таълим вазири «Тошкент – Андижон – Ўш – Иркештом – Қошғар» йўналиши бўйича автомобиль қатновининг қачондан бошланиши маълум ЕТТБ тадбиркорлик субъектлари учун кредитлар тақдим этади Депутатлар ислоҳотларнинг ҳуқуқий базасини янада такомиллаштиришга қаратилган қонун лойиҳаларини кўриб чиқдилар Инновацион ишланмалар нефтни қайта ишлаш соҳаси ривожини жадаллаштиради Савдо-иқтисодий муносабатлар янада мустаҳкамланади Ҳарбийларимиз “Кембрия патрули” халқаро танловида совриндор бўлди «Ўзбекистоннинг тенг ҳуқуқли фуқаросиман!» Мактабгача таълим соҳасида замонавий тизим яратилади Илғор тажрибалар ва бозор механизмлари Юртимизда яратилаётган кенг имкониятлар Токиода муҳокама қилинди Фойдаландингизми, ҳақини ҳам тўланг Шавкат Мирзиёев Кавказ мусулмонлари идораси раиси шайхулислом Оллоҳшукур Пошшозода бошчилигидаги делегацияни қабул қилди UZ домени Осиё-Тинч океани минтақасида юқори даражали миллий доменлар ассоциацияси аъзосига айланди Самарқанддаги Бибихоним масжидига илғор инновацион технологияларга асосланган мониторинг тизими ўрнатилади Ўзбекистон Ҳиндистоннинг уран заҳирасини яратишда асосий ҳамкори бўлади Ўзбекистон Эронга 25,5 миллион долларлик қишлоқ хўжалиги ва тўқимачилик маҳсулотлари етказиб беради Жавоҳир Синдаров ФИДЕ унвонига сазовор бўлди Жорий йилнинг ўтган даврида шифокорлар учун 658 та хизмат уйи ташкил этилди Тиббиёт соҳасидаги ислоҳотлар аҳолининг ҳаётдан розилиги, эл-юртимиз тараққиётига хизмат қилсин «Ислом ҳамжиҳатлиги: Ўзбекистон ва Озарбайжон мисолида» мавзуидаги халқаро конференция иштирокчиларига Тинчлик ва халқлараро дўстликни мустаҳкамлаш йўлида МДҲ: Кўп қиррали ҳамкорликнинг муҳим механизми Таълим олиш ҳуқуқи ва ота-она мажбуриятлари Иқтисодий ва инвестициявий имкониятлар тақдимоти Инсон қадр-қиммати улуғланган юрт Мурожаатлар — сенаторлар назоратида Сифат — жаҳон бозоридаги бош мезон
  • 15 Февраль 2017

Ҳаётдан мамнунлик саодати

Мамлакатимиз раҳбари Шавкат Мирзиёевнинг жорий йил 10-11 февраль кунлари Сурхондарё вилоятига ташрифи ҳудудда амалга оширилаётган ижтимоий-иқтисодий ислоҳотларни холисона баҳолаш, одамларни ўйлантираётган муаммо ва масалаларни аниқлаб, маҳаллий ҳокимият органлари, ҳудудий идоралар, нодавлат ташкилотлари олдида турган галдаги долзарб вазифаларни белгилаб олишга туртки берди.

Кенг жамоатчиликда катта қизиқиш уйғотган бу ташриф асносида улкан иқтисодий салоҳиятга эга Сурхон воҳасида, энг аввало, халқнинг турмуш даражаси ҳамда сифатини юксалтириш учун мавжуд имкониятлардан тўғри ва оқилона фойдаланиш, ижтимоий-иқтисодий соҳалардаги ўзгариш ҳамда янгиланишларни, бунёдкорлик ишларини жадаллаштириш чора-тадбирларига устувор эътибор қаратилди.

Президентимиз бунёдкорлик ва ободонлаштириш мамлакатимиз тараққиёти, халқимиз фаровонлигининг ифодаси эканини таъкидлади. Чиндан ҳам, шаҳару қишлоқларимизда қад ростлаётган замонавий тураржойлар, ишлаб чиқариш ҳамда хизмат кўрсатиш объектлари, ижтимоий муассасалар — буларнинг барчаси аҳоли учун, биринчи навбатда, ўсиб келаётган авлод учун муносиб шарт-шароитлар яратишга хизмат қилиши баробарида, республикамизнинг барқарор ривожидан далолат беради.

Сурхондарё вилоятида иқтисодиётнинг етакчи тармоқларини модернизация ва диверсификациялаш, саноат корхоналарини техник ҳамда технологик янгилаш, илғор ишлаб чиқариш қувватларини барпо этиш юзасидан қатор истиқболли лойиҳалар рўёбга чиқарилмоқда. Вилоятда бунёдкорлик кўлами тобора кенгайиб бораётгани қурилиш материаллари ишлаб чиқарадиган янги корхоналар ташкил қилишни тақозо этаяпти. Жумладан, Шеробод туманидаги “Вандоб” қишлоқ фуқаролар йиғини ҳудудида бунёд қилинадиган цемент заводи воҳада қурилиш саноатини замон талаби даражасида ривожлантириш, аҳоли бандлигини таъминлашда муҳим аҳамият касб этади.

Ёки Шеробод туманидаги “ўуржак-1” массивида янгиланган намунавий лойиҳалар асосида қурилган арзон уй-жойларни, бу ерда аҳоли учун яратилган қулайликларни олиб кўрайлик. Айтиш жоизки, давлатимиз раҳбарининг 2016 йил 21 октябрдаги “2017 — 2021 йилларда қишлоқ жойларда янгиланган намунавий лойиҳалар бўйича арзон уй-жойлар қуриш дастури тўғрисида”ги қарорига мувофиқ, бу йил Сурхон воҳасида мингдан ортиқ арзон ва замонавий уй-жойлар барпо этилади. Президентимизнинг мутасадди раҳбарларга қишлоқ массивларида аҳолига шаҳардагидан қолишмайдиган турмуш шароитини яратиш, якка тартибда уй-жой қуриш кўламини янада кенгайтириш юзасидан берган тавсиялари алоҳида диққатга -моликдир.

Қишлоқ аҳолисига кўрсатилаётган мана шундай беқиёс эътибор ҳамда ғамхўрликни воҳа аҳли чексиз миннатдорлик ва мамнунлик билан эътироф этмоқда. Бу саъй-ҳаракатлар, шубҳасиз, қишлоқларимизнинг янада обод, кўркам манзилларга айланишини, оилаларнинг фаровонлик даражаси ошиб, ҳар бир инсоннинг ҳаётдан рози бўлиб яшаши учун кўмаклашиш борасида залворли натижаларга эришишни таъминлайди.

Шу нуқтаи назардан, халқ вакиллари ҳисобланган биз, сенаторлар ҳам юртимизда ҳукм сураётган бунёдкорлик ҳамда -яратувчанлик кайфиятини мустаҳкамлаш, ижтимоий барқарорликни сақлаш, халқимиз фаровонлигини ошириш, инсон манфаатларини кафолатлаш жараёнида янада фаол ва ташаббускор бўлмоғимиз зарур. Зеро, Президентимиз таъбири билан айтганда, инсонларнинг дарду ташвишларини ўйлаб яшаш — одамийликнинг энг олий мезонидир.

Мамат ҲАЙДАРОВ,

Ўзбекистон Республикаси

Олий Мажлиси

Сенати аъзоси.

 

 

Кўриш қобилияти чекланганлар учун

A- A A+