XS.UZ
Маҳаллий экспорт қилувчи ташкилотларни янада қўллаб-қувватлаш ва ташқи иқтисодий фаолиятни такомиллаштириш чора-тадбирлари тўғрисида Кўп томонлама ҳамкорлик истиқболлари Истиқлол саодати ва шукрона Кичик бизнес салоҳияти рақобатдош маҳсулотлар ишлаб чиқаришда яққол намоён бўлмоқда ЎзХДП қатъий позициясини белгилаб олди Тадбиркорларни қўллаб-қувватлаш қамрови янада кенгаяди Ўзбекистонлик ишбилармонлар Швейцарияда Оқибати аянчли иллат Хусусий сектор ривожига сармоялар Молиявий саводхонлик нима? Яхши ниятлар, эзгу амаллар Фарҳодбек — жаҳон чемпиони Спортда мухлисларни қувонтирадиган натижалар бўлади Олдини олган афзал Ипак саноатининг довруғи қачон тикланади? Ўзбекистон Республикаси Вазирлар Маҳкамаси ҳузуридаги Ўзбекистон Республикасининг фан ва техника, адабиёт, санъат ва меъморчилик соҳасидаги Давлат Рамазон ҳайитини нишонлаш тўғрисида Ўзбекистон Республикаси аҳолисига 2017 — 2021 йилларда ихтисослаштирилган тиббий ёрдам кўрсатишни янада ривожлантириш чора-тадбирлари тўғрисида Инсон манфаатларини таъминлаш — асосий мақсад Ўзбекистон Республикаси Вазирлар Маҳкамаси ҳузуридаги Ўзбекистонга оид хориждаги маданий бойликларни тадқиқ этиш марказини ташкил этиш тўғрисида Тадбиркорлар ҳуқуқларини ҳимоя қилишда муҳим босқич Сиёсий мулоқотларнинг амалий натижалари Суд тизими янгиланишлари соҳадаги хато ва камчиликларни бартараф этишга хизмат қилади Юқори малакали кадрлар Бизнеснинг қонуний манфаатлари давлат томонидан муҳофаза қилиниши ва тадбиркорлик фаолиятини янада ривожлантириш тизимини тубдан такомиллаштиришга доир Мурожаатлар ислоҳотларнинг жойлардаги натижаларини кўрсатади Оилавий тадбиркорлик нега оқсамоқда? Тинч-осуда ҳаётимизни асрашнинг муҳим мезони Маҳаллийлаштириш ва инвестициявий муҳит самараси Сенаторлар Ҳаракатлар стратегияси ижросида фаол иштирок этмоқда
  • 12 Январь 2017

Юртга садоқат тимсоли

Бугун дунё ҳамжамияти Ўзбекистонни тинчлик, осойишталик, миллатлараро дўстлик ва ҳамжиҳатлик мустаҳкам қарор топган, жадал ривожланиб бораётган давлат сифатида юксак эътироф этаяпти.

Бундай марраларга мустақиллик йилларида ҳаётга татбиқ қилинаётган кенг кўламли ислоҳотлар туфайли эришмоқдамиз. Шундай экан, истиқлол берган бебаҳо неъматларни қадрлаш, Ватанимиз тараққиётига муносиб ҳисса қўшиш муқаддас бурчимиздир.

Юртдошларимизнинг ҳар бири ушбу масъулиятни чуқур ҳис этадики, бу ҳам қалбда ўзгача фахр ҳиссини уйғотади. Айниқса, профессионал асосдаги миллий армиямиз сафларида хизмат қилаётган ўғлонлар садоқатда, фидойиликда тенгсиз саналишади. Бинобарин, пойтахтимиздаги  “Ватанга қасамёд” монументи юртимиз тинчлигини, сарҳадларини кўз қорачиғидек асраб-авайлашга бел боғлаган фидойи ўғлонларимиз шарафига қўйилган бетакрор обида ҳисобланади. У 2010 йилнинг 12 январь куни тантанали равишда очилган.

Мажмуада халқимизнинг муносиб ўғлони давлатимизнинг бетакрор тимсоли бўлган байроғимизни кўзига тўтиё қилиб, Ватан ҳимояси учун, ота-боболаримиз хоки ётган қутлуғ заминнинг ҳар қарич тупроғини асраш учун тайёрман, деб тиз чўкиб қасамёд қилаётгани тасвирланган. Ана шу мард ва жасур фарзандга оқ сут берган, бағрида кўтариб вояга етказган, Ватан тимсоли бўлган мунис ҳамда мўътабар она бамисоли ўз қўрғони олдида туриб, ҳарбий хизматга отланган жондан азиз боласига фотиҳа бериб, унга оқ йўл тиламоқда.

Мазкур монумент сиймосида Қуролли Кучларимиз сафига киришга тайёргарлик кўраётган ёшларимизнинг юксак орзу-интилишлари ўз аксини топгани диққатга сазовордир.

Ёш авлодни фидойи ва матонатли ўғлонлар этиб тарбиялашда маънавий ибрат бўлиб хизмат қилаётган ушбу бетакрор мажмуа бугун халқимизнинг энг эъзозли масканларидан бирига айланган. Бу ерга юртимизнинг турли ҳудудларидан жуда кўплаб зиёратчилар -келади. Улар орасида олий таълим муассасалари талабалари, умумтаълим мактаблари, -академик лицей ва касб-ҳунар коллежлари ўқувчилари, олий ҳарбий таълим муассасалари курсантлари, ҳарбий хизматчилар, кенг жамоатчилик вакилларини учратиш мумкин. Масалан, Тошкент олий умумқўшин қўмондонлик билим юрти курсантлари учун маънавият дарсларини “Ватанга қасамёд” монументи олдида очиқ мулоқот тарзида ташкил этиш яхши анъанага айланган.

— “Ватанга қасамёд” ҳайкали қиёфасида юртига хизмат қилишни дилига туккан фарзанд иштиёқи моҳирона тасвирланган, — дейди Тошкент олий умумқўшин қўмондонлик билим юрти курсанти Абдураҳмон Ҳамдамов. — Унга боқиб, эл-юртимиз олдидаги бурчимиз, сарҳадларимизни асраб-авайлаш борасидаги масъулиятимизни янада теран ҳис этамиз. Мақсадим — олий ҳарбий таълим муассасасини тамомлаб, юртимиз тинчлигини таъминлашга муносиб ҳисса қўшиш. Шу орқали халқимиз, Президентимизга содиқлик қасамёдимни оқлашдир.

Ўзида чуқур ҳаётий фалсафани, теран маъно-мазмунни ифода этган, катта тарбиявий аҳамиятга эга бу улуғвор монумент шу заминда вояга етган, унинг бугунги ва эртанги кунини ўйлаб яшаётган ҳар қайси инсонни тинч ҳамда фаровон ҳаётимизнинг қадрига етишга, унинг янада гўзал ва обод бўлиши учун астойдил ҳаракат қилишга, ўз ҳаётини аждодларимиздан мерос ор-номус асосига қуришга, садоқат ва жасоратга ундайди.

 

Шавкат ОРТИҚОВ.

 

Кўриш қобилияти чекланганлар учун

A- A A+

Кўп ўқилган